Beauty Tips : ही अभिनेत्री चाळीशीतही दिसते ग्लॅमरस; काय आहे रहस्य?

पुणे : ‘कसौटी जिंदगी की’ ही सिरीअल महिला वर्गात फेमस होती. आजही या सिरीअलचे रिपीट टेलिकास्ट पाहीले जातात. या सिरीअलमध्ये कोमोलिकाची भूमिका करणारी उर्वशी ढोलकिया सर्वांना माहीती असेल. उर्वशीने चाळीशी ओलांडली असली तरीही तिचा तजेलदार चेहरा आजही आकर्षक दिसतो. २० वय असलेल्या तरूणीसारखी ती ऍक्टीव्ह असते. योगा, डायट, यासारखे अनेक उपाय ती करते.

चाळीशीनंतरही उर्वशी तरूण दिसते याचे सिक्रेट तिच्या किचनमध्ये दडलेले आहे. तुकतुकीत त्वचेसाठी ती काही घरगुती उपाय करते. याचे व्हिडिओ ती सोशल मीडियावर शेअर करत असते. पाहुयात उर्वशीचे ब्युटी सिक्रेट काय आहे.स्कीन सॉफ्ट आणि फ्रेश रहावी यासाठी स्कीन चांगल्या फेसवॉशने धुवा. त्यानंतर चेहऱ्यावर बर्फाने मसाज करा. याने स्किनमधील पोर्स बंद होऊन त्वचा तजेलदार होते, असे उर्वशी म्हणते.

गुलाब जल आणि व्हिटॅमिन सी

स्कीन चमकदार ठेवण्यासाठी उर्वशी गुलाबजल वापरण्याचा सल्ला देते. चेहऱ्यावर गुलाबपाणी शिंपडून 30 सेकंद तसेच ठेवा. यानंतर व्हिटॅमिन सी सिरम चेहऱ्यावर लावावे.

घरगुती फेस पॅक वापरा

उर्वशी तिच्या त्वचेसाठी घरी बनवलेले बेसनाचे फेस पॅक वापरते. बेसन पॅक तयार करण्यासाठी एका भांड्यात दोन चमचे बेसन घाला. त्यात एक छोटा चमचा मध, दूध आणि लिंबू मिसळून पेस्ट तयार करा. आता ही पेस्ट चेहऱ्यावर लावा. नंतर पेस्ट सुकल्यावर साध्या पाण्याने चेहरा धुवा. यामुळे त्वचा सॉफ्ट आणि ग्लोइंग होते.