माणूस हा मुळात निसर्गाच्या सान्निध्यात राहणारा प्राणी आहे. त्यामुळे आपण जेव्हा निसर्गाच्या जवळ जातो, तेव्हा फ्रेश होतो. घराला बाल्कनी किंवा टेरेस असेल, तर त्यात कुंड्या ठेवून आपण छान बाग करू शकतोच; पण ते शक्य नसेल, तर घरात इनडोअर प्लॅंट्सचा वापर करून मूड फ्रेश करता येतो.
इनडोअर प्लॅंट्स केवळ घराला सजावटीचं रूपच देत नाहीत, तर वातावरण शुद्ध करण्यासाठी, तणाव कमी करण्यासाठी आणि सकारात्मक ऊर्जा वाढविण्यासाठीही उपयुक्त ठरतात. योग्य प्लॅंट्स निवडून, त्यांना योग्य पद्धतीनं लावून आणि योग्य प्रकारे काळजी घेऊन तुमच्या घराला सुंदरतेचा टच देता येतो. त्यायासाठी काही उपयुक्त टिप्स बघूया.