केमोथेरपी : भीतीपेक्षा माहिती महत्त्वाची

आशा नेगी

‘कॅन्सर’ हा शब्द ऐकला, की पहिल्यांदा आपल्या मनात येणारा विचार म्हणजे ‘केमोथेरपी.’ केमोथेरेपीची सर्वसामान्य लोकांमध्ये मोठी भीती आहे. कॅन्सर या आजारापेक्षा लोकांना केमोथेरपीची जास्त भीती असते. मला कॅन्सर होण्याच्या आधी मीही याच यादीमध्ये येत होते. या प्रक्रियेबाबत गैरसमजच जास्त असते. त्यामुळे त्यांच्याबाबत माझ्या अनुभवांतून काही माहिती मला द्यावीशी वाटते, अर्थात या उपचारांना सामोरे जाणाऱ्या रुग्णांनी, कुटुंबीयांनी आणि नातेवाईकांनी तज्ज्ञांकडून नक्की माहिती घ्यावी. फक्त भीती टाळण्यासाठी काही गोष्टी मी नक्की सांगेन.