मुंबई - हल्ली कानात हेडफोन घालून मोबाइलवर बोलणं, गाणी ऐकणं ही बाब खूपच सामान्य अशी झाली आहे. कानात इअरफोन घालून जाणारी लोकं आजूबाजुला दिसत असतात. याचा वापर मर्यादित असेल तर ठिक मात्र जर प्रमाणापेक्षा जास्त इअरफोनची सवय धोकादायक आहे. यामुळे तुमच्या कानाला त्रास होऊ शकतो. इतकंच काय तुमची श्रवणशक्तीसुद्धा कमी होऊ शकते. इअर फोनचा अतिवापर किती धोक्याचा आहे याची माहिती आपण घेऊ.
इन्फेक्शनचा धोका - प्रवासाला जाताना किंवा काम करत असताना लोक इअर फोन लावून बसतात. यामुळे कित्येक तास गाणी ऐकणं सुरू असतं. जर तुम्ही इतर कोणाचा इअर फोन वापरत असाल किंवा शेअर करत असाल तर काळजी घ्या. इअर फोन सॅनिटाइझ करून घ्या. कारण यामुळे इन्फेक्शन होण्याची शक्यता असते.
कानाच्या पडद्याला इजा - इअरफोन्स सतत वापरल्यानं ऐकण्याची क्षमता 40 ते 50 डेसीबलपर्यंत कमी होते. कानाचा पडदा व्हायब्रेट व्हायला लागतो. दूरचा आवाज ऐकू येण्यामध्ये समस्या निर्माण होते. यात श्रवणशक्ती पूर्ण कमी होण्याची आणि बहिरं होण्याचा धोका असतो.
श्रवणशक्तीवर परिणाम - बाजारात मिळणारे सर्व हेडफोन्समध्ये हाय डेसीबल व्हेव असतात. याचा वापर प्रमाणापेक्षा जास्त करणं हे घातकच असतं. यामुळे श्रवणशक्ती कमी होणं आणि पूर्ण नाहीशी होण्याची शक्यता असते.
मानसिक त्रास - मोठ्या आवाजात गाणी ऐकण्याची सवय अनेकांना असते. मात्र यामुळे मानसिक त्रास, हृदयाचे विकार किंवा कर्करोगाचाही धोका वाढू शकतो.
मेंदूवर परिणाम - इअरफोन बराच काळ वापरल्यानं मेंदूला इजा होऊ शकते. याशिवाय गंभीर परिणामही इअर फोनच्या अतिवापराने होता. यामुळे इअरफोनचा वापर जितका कमी करता येईल तितका करावा.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.