Diwali Festival 2021 लक्ष्मीपूजनासाठी सायंकाळचे 'हे' 4 तास शुभ

दिवाळीत (diwali festival) वसूबारसेपासून नागरिकांमध्ये मोठा उत्साह बघावयास मिळत आहे. वसुबारस, धनत्रयोदशी साजरी केल्यानंतर गुरुवारी (ता. ४) नरक चतुर्दशी (Narak chaturdashi), लक्ष्मीपूजन (Laxmi Pujan) असून बुधवार (ता.३) वगळता दिवाळी पाडवा, भाऊबीज सण पाठोपाठ येत आहेत. नरक चतुर्दशी, लक्ष्मीपूजन, दिवाळी पाडवा यादिवशी मुहूर्ताला विशेष महत्त्व आहे. लक्ष्मीपूजनासाठी सायंकाळी 4 तास शुभ आहेत, (Lakshmi Pujan diwali Puja Muhurat) जाणून घ्या सविस्तर...

लक्ष्मीपूजनासाठी सायंकाळचे 'हे' 4 तास शुभ

लक्ष्मी पूजनाला बत्तासे, लाह्यांचा नेवैद्य दाखवण्यात येतो. पूजेच्या साहित्याच्या खरेदीसाठी नागरिकांनी मेनरोड, रविवार कारंजा याठिकाणी गर्दी केली होती. लक्ष्मी पूजनाला बत्तासे, लाह्यांचा नेवैद्य दाखविण्यात येत असल्याने मोठी मागणी आहे. वसूबारसपासून ते भाऊबीजपर्यंत दीपोत्सव साजरा केला जातो. नरक चतुर्दशीच्या पहाटेपासून फटाके उडवायला सुरवात होते. व्यापाऱ्यांचे नवीन वर्ष लक्ष्मीपूजनानंतर सुरू होते. लक्ष्मीपूजनासाठी सायंकाळी ५ : १० ते ९ या वेळेत शुभ, अमृत, चंचल असे तीनही योग येत असल्याने योग शुभ आहेत.

- लक्ष्मीपूजन मुहूर्त (योग)

सकाळी ११ : १० ते १२ : ४० (चंचल)

दुपारी १२ : ४० ते ३ : ४० (लाभ, अमृत)

सायंकाळी ५ : १० ते ९ : ०० (शुभ, अमृत, चंचल)

- दीपावली पाडवा मुहूर्त (योग)

सकाळी ६ : ४० ते ९ : ४० ( लाभ, अमृत)

दुपारी ९ : ४० ते ११ : १० (अमृत)

सायंकाळी ५ : १० ते ६ : ४० (चंचल)

नरक चतुर्दशी आणि लक्ष्मीपूजन एकाच दिवशी येत आहे. नरक चतुर्दशीला सूर्योदयाच्या आत अभ्यंगस्थान करावे. लक्ष्मीपूजनासाठी सायंकाळी ५ : १० ते ९ या वेळेत शुभ, अमृत, चंचल असे तीनही योग येत आहे.

- सतीश शुक्ल, अध्यक्ष, पुरोहित संघ