Flipkart बिग बजेट धमाल सेल होणार उद्यापासून सुरू, मिळणार बंपर सूट

Flipkart Big Bachat Dhamaal Sale : ऑनलाईन शॉपिंग वेबसाईट फ्लिपकार्टचा (Flipkart) उद्यापासून महाबचत सेल सुरू होणार आहे. ४ ते ६ मार्च दरम्यान ऑनलाईन चालणाऱ्या या सेलमधून ग्राहकांना भरपूर फायदा होणार असल्याने चांगली शॉपिंग (Shopping) करता येणार आहे. तसेच सेलमध्ये दररोज दुपारी १२, सकाळी ८ आणि संध्याकाळी ४ वाजता कॉम्बो ऑफरसह नवीन सर्वोत्तम डील्स ग्राहकांना मिळणार आहेत. या सेलदरम्यान ग्राहकांना स्मार्टफोन, टीव्ही मॉडेल्सवर मोठ्या प्रमाणात सूट मिळेल. (Flipkart Big Bachat Dhamaal Sale)

या फोन्सवर भारी सूट

सेलदरम्यान Motorola Edge 30 Pro आणि Realme 9 Pro यासारखे मोबाइल लॉंच होणार असून त्यांची विक्री सुरू होईल. तर iPhone 12 सीरीजवर आकर्षक डिल्स मिळणार आहेत. सेलदरम्यान इलेक्ट्रॉनिक्स आणि अॅक्सेसरीजवर 80 टक्के सूट मिळेल तर टिव्हीवर 75 टक्क्यांपर्यंत डिस्काऊंट मिळेल. तसेच ग्राहकांना बँक ऑफर आणि नो कॉस्ट ईएमआय पर्यायही मिळणार आहे.

डिस्काऊंट आणि नो कॉस्ट इएमआयचा फायदा

या सेलमध्ये ग्राहकांना बँक कार्ड डिस्काउंट आणि नो-कॉस्ट ईएमआयची सुविधा मिळणार आहे. तर, UPI व्यवहारांवर 1,000 रुपयांपर्यंत सूट मिळेल. ग्राहकांनी पेमेंटसाठी IDFC फर्स्ट बँक क्रेडिट कार्ड आणि येस बँक क्रेडिट कार्ड वापरल्यास, 10 टक्के सूट दिली जाईल. त्याचबरोबर नो कॉस्ट इएमआय प्लॅन, जुन्या स्मार्टफोनच्या एक्सचेंजवरील डीलही मिळणार आहे. पण, फ्लिपकार्टने सर्व डीलची माहिती शेअर केलेली नाही. कंपनीने वेअरेबल, ट्रू वायरलेस स्टिरिओ (TWS) इयरफोन्स आणि गेम्सशी संबंधित डीलची घोषणा केलेली नाही.