जांभई आल्यावर डोळ्यातून का येतं पाणी? जाणून घ्या कारण

कामाचा ताण वाढला की त्याचा परिणाम सहाजिकच आपल्या शारीरिक व मानसिक आरोग्यावर होत असतो.त्यामुळे अनेकदा काम करताना कंटाळा येणे, आळस येणे वा वारंवार जांभई येणे असे प्रकार घडतात. विशेष म्हणजे केवळ कंटाळा आला की जांभई येते असा एक सर्वसामान्य समज आहे. मात्र, जांभई येण्यामागे अनेक कारणं आहेत. तसंच जांभई दिल्यानंतर अनेकांच्या डोळ्यातून पाणी येतं. पण हे पाणी नेमकं का येतं ?याचा कधी विचार केला आहे का? (health-why-your-eyes-become-teary-when-you-yawn)

जांभई का येते?

जांभई येण्यामागे अनेक कारणं आहेत. त्यातील महत्त्वाचं कारण म्हणजे थकवा, अपूर्ण झोप किंवा शरीरात ऑक्सिजनची कमतरता. या दोन कारणांमुळे अनेकदा जांभई येते. परंतु, या कारणांव्यतिरिक्त औषधांचा परिणाम, शरीराच्या तापमानात बदल होणे, मेंदूच्या कार्यात बिघाड. ही कारणही आहेत.

जांभई आल्यावर डोळ्यात पाणी का येतं?

जांभई आल्यानंतर आपले डोळे किंचितसे बारीक होतात. तसंच तोंड उघडल्यामुळे चेहऱ्यावरील इतर भागांवरही ताण पडतो. यात आपल्या दोन्ही भुवयांमधील भागदेखील ताणला जातो. या भागामध्ये डोळ्यातून पाणी आणण्याचं कार्य करणाऱ्या ग्रंथी असतात. जांभई देताना या ग्रंथींवर परिणाम होतो. ज्यामुळे डोळ्यातून पाणी येतं.