Holi 2024 : होळीचा सण लय भारी! यंदाच्या वर्षी होळीवर आहे चंद्र ग्रहणाचे सावट?

Holi 2024 :

भारतीय संस्कृतीत अनेक सण आहेत जे आपल्याला छोटे मोठे आनंद देऊन जातात. यातही काही स्पेशल सण आहेत ज्याची सगळेच आतुरतेने वाट पाहत असतात. दिवाळी दसरा आहेच पण त्यासोबतच होळीचीही सगळे वाट पाहत असतात.

 नव्या वर्षातला मोठा सण म्हणून होळीला ओळखले जाते. होळी दिवशी राक्षसी होलिकेचे दहन केले जाते. अन् दुसऱ्या दिवशी रंगांची होळी खेळली जाते. यंदाच्या वर्षी होळीवर चंद्र ग्रहणाचंही सावट आहे असे सांगितले जाते. तसेच होळीची तारीख अन् होलिका दहन करण्याची योग्य वेळ कोणती ते पाहुयात. (Holi 2024 Muhurta)

होळी कधी आहे

दरवर्षी फाल्गुन महिन्यातील पौर्णिमेला होळी साजरी केली जाते. 2024 मध्ये होळी 25 मार्च रोजी खेळली जाईल. त्यांच्या एक दिवस आधी होलिका दहन केले जाईल. 24 मार्च रोजी होलिका दहनाचा शुभ मुहूर्त 11:13 ते 12:07 पर्यंत असेल.

चंद्र ग्रहणाचे सावट?

25 मार्च 2024 रोजी पहिले चंद्रग्रहण होणार आहे. चंद्रग्रहण नेहमी पौर्णिमेला होत असते. 25 मार्च 2024 रोजी हे चंद्रग्रहण सकाळी 10:41 वाजता सुरू होईल आणि सुमारे 3:01 वाजता समाप्त होईल.  (Lunar Eclipse 2024)

भारतात दिसेल का चंद्र ग्रहण?

हे चंद्रग्रहण आयर्लंड, जर्मनी, फ्रान्स, हॉलंड, बेल्जियम, दक्षिण नॉर्वे, स्वित्झर्लंड, इंग्लंड, स्पेन, पोर्तुगाल, इटली, उत्तर आणि दक्षिण अमेरिका, जपान, रशियाचा पूर्व भाग आणि आफ्रिकेमध्येही दिसणार आहे. पण ते भारतात दिसणार नाही त्यामुळे त्याच्या भारतीय सण होळीवर काहीही परिणाम होणार नाही.