नवीन सदस्याचे नाव रेशन कार्डात कसे नोंदवाल ? जाणून घ्या प्रक्रिया...

मुंबई : जर तुमचे लग्न झाले असेल किंवा तुमच्या कुटुंबात नवीन सदस्य आला असेल तर त्याचे नाव शिधापत्रिकेवर नोंदवणे आवश्यक आहे. असे न केल्यास नुकसान होऊ शकते. जेथे शिधापत्रिका आवश्यक असते अशा सरकारी योजनांचा लाभ तुम्हाला घेता येणार नाही. शिधापत्रिकेवर नवीन सदस्याचे नाव कसे नोंदवायचे ते जाणून घेऊ या.

शिधापत्रिकेत नवीन सदस्याचे नाव कसे टाकायचे ?

तुम्ही विवाहित असाल तर आधी आधार कार्ड अपडेट करा.

महिला सदस्याने पतीचे आडनाव लावायचे ठरवले असल्यास तसा बदल आधार कार्डमध्ये करावा लागेल.

तुमच्या कुटुंबात बाळाचा जन्म झाला असेल तर त्याचे नाव जोडण्यासाठी वडिलांचे नाव आवश्यक आहे.

लग्न झाल्यास पत्ताही बदलावा लागेल.

आधार कार्ड अपडेट केल्यानंतर, सुधारित आधार कार्डच्या प्रतीसह, शिधापत्रिकेत नाव जोडण्यासाठी अन्न विभागाच्या अधिकाऱ्याला अर्ज द्या.

ऑनलाइन अर्ज करू शकता ?

वर नमूद केलेली प्रक्रिया पूर्ण केल्यानंतर तुम्ही कार्यालयात जाऊन अर्ज सादर करा.

याशिवाय तुम्ही घरी बसून नवीन सदस्यांचे नाव जोडण्यासाठी अर्ज करू शकता.

यासाठी तुम्ही प्रथम तुमच्या राज्याच्या अन्न पुरवठा विभागाच्या अधिकृत वेबसाइटवर जा.

तुमच्या राज्यात सभासदांची नावे ऑनलाइन जोडण्याची सुविधा असेल तर तुम्ही हे काम घरी बसून करू शकता.

वास्तविक, अनेक राज्यांनी त्यांच्या पोर्टलवर ही सुविधा दिली आहे, तर अनेक राज्यांमध्ये ही सुविधा नाही.

मुलांसाठी आवश्यक कागदपत्रे

जर तुम्हाला मुलाचे नाव जोडायचे असेल तर आधी त्याचे आधार कार्ड बनवावे लागेल.

यासाठी मुलाचा जन्मदाखलाही आवश्यक असेल.

यानंतर, आधार कार्डसह, तुम्ही शिधापत्रिकेत मुलाचे नाव नोंदवण्यासाठी अर्ज करू शकता.