शलाका तांबे - लेखिका, लाइफ कोच, समुपदेशक
शारीरिक आरोग्याची काळजी कशी घ्यावी, त्यासाठी आपला आहार कसा असावा, दिनचर्या कशी असावी, कोणत्या प्रकारचे व्यायाम करावेत, याविषयी बहुतेक आपल्या सर्वांनाच कल्पना असते; परंतु आपल्या मनाची काळजी कशी घ्यावी, मनाचे आरोग्य कसे सांभाळावे, आपल्या मनाचा आहार कसा असावा, याबद्दल आपल्याला तशी फारशी माहिती नसते. परंतु जाणीवपूर्वक आपल्या मनाचे पालनपोषण करणे, आणि आपल्या मनाच्या आहाराबद्दल जागरूक राहणे खूप महत्त्वाचे आहे.