Manali Tourism : हॉटेल-रिसॉर्ट सोडा... हनीमूनला रहा बर्फाच्या घरात; मनालीला इग्लूमध्ये राहण्यासाठी किती येईल खर्च?

लोक अनेकदा त्यांच्या हनीमूनसाठी काही खास ठिकाणी जाण्याचा विचार करतात. पण प्रवासासोबतच ते चांगल्या हॉटेलचाही शोध घेतात. त्यांना अशा हॉटेलमध्ये राहायचे असते जिथे रुममधून सुंदर दृश्य दिसावे. त्यामुळे कपल लोकेशनसह आधी हॉटेलची निवड करतात.

कपल्सला हॉटेल निवडणे थोडे अवघड असते, म्हणून आम्ही त्यांच्यासाठी काही खास लोकेशन्स घेऊन आलो आहोत. तुम्ही जोडीदारासोबत बर्फाच्या घरात राहू शकता. बर्फाच्या घरात राहणे तुमच्यासाठी आयुष्यभर संस्मरणीय असेल. या बर्फाच्या घरात एक दिवस राहण्यासाठी काय खर्च येईल? याबद्दलची सर्व माहिती आम्ही तुम्हाला सांगतो.

इग्लू हाऊस

हॉटेलऐवजी मनालीतील इग्लू हाऊसमध्ये राहण्याची संधी गमावू नका. जानेवारी ते फेब्रुवारी महिन्यात तुम्ही इथे राहण्याचा प्लॅन करू शकता.

इग्लू हाऊसमध्ये एका दिवसासाठी तुम्हाला फक्त 5000 रुपये मोजावे लागतील. या बर्फाच्या घरात दोन लोक आरामात झोपू शकतात.

येईल एवढा खर्च

जर तुम्हाला मनालीमध्ये इग्लू हाऊसशिवाय सर्व प्रकारच्या अ‍ॅक्टिव्हिटीचा आनंद घ्यायचा असेल, तर तुम्हाला त्यासाठी 18,000 रुपये मोजावे लागतील.

दोन्ही पॅकेजेसमध्ये, तुम्हाला ब्रेकफास्ट, लंच, डीनर, एक बोनफायर आणि एक बार्बेक्यू दिले जाईल. अ‍ॅक्टिव्हिटीमध्ये, तुम्हाला स्कीइंग, ट्यूब स्लाइडिंग आणि स्लेज स्लाइडिंग करण्याची संधी मिळेल.

जर तुम्ही बर्फाच्या घरात राहाल तर तुम्हाला थंड तापमानाबद्दल काळजी करण्याची गरज नाही. कारण इथे तुम्हाला अतिरिक्त ब्लँकेट, फोम मॅट्रेस आणि गरम पाण्याच्या बाटल्यांसह मऊ आणि उबदार स्लीपिंग बॅग देखील दिली जाते. हे पूर्णपणे आरामदायक आहे आणि तुम्हाला रात्री अजिबात थंडी जाणवणार नाही. याव्यतिरिक्त, जाड कपडे, हातमोजे आणि स्नो शूज देखील इग्लू घरामध्ये स्वतंत्रपणे प्रदान केले जातात.