MPox: 'मंकीपॉक्स’चा धोका वाढला! आरोग्यविभाग अ‍ॅक्शन मोडवर, विमानतळावर चाचणी करण्याचे निर्देश

Mpox: जगभरात मंकीपॉक्सचा प्रसार वेगाने होत आहे. हा आजार शेजारच्या पाकिस्तानपर्यंत धडकला आहे. त्यामुळे केंद्र सरकारने ‘हाय अलर्ट’ दिला असून खबरदारीची उपयोजना करण्याच्या सूचना जारी केल्या आहेत. या पार्श्वभूमीवर उपराजधानीतील मेडिकल-मेयोत या आजाराच्या रुग्णांसाठी खाटा आरक्षित ठेवण्यात येणार आहे. तसेच नागपूर विमानतळावरही संशयितांची चाचणी करण्याची शक्यता आहे. महापालिकेच्या आरोग्य विभागाने मेडिकल-मेयोला पत्र देत आवश्यक उपाययोजना करण्याची विनंती केली आहे.