Navratri 2023 : आई अंबाबाई मंदिराचे हे जूने फोटो तुम्ही पाहिलेत का?

Navratri 2023 : कोल्हापूर म्हटलं की आठवतं रंकाळा तलाव, तिथले लोक अन् खाद्यसंस्कृती. कोल्हापुरला देवी अंबाबाईच्या नावानेही ओळखलं जातं. करवीर स्थानी बसली अंबा गं, असा उल्लेख गाण्यातही आढळतो. आई अंबाबाई ही महाराष्ट्राचीही कुलस्वामिनी आहे.

कोल्हापुरवासीयांना नवी उर्जा देणारी आई अंबाबाईचे मंदिर हे पुराणात उल्लेखलेल्या १०८ पीठांपैकी एक, व महाराष्ट्रात असलेल्या देवीची साडेतीन पीठांपैकी एक आहे. हे मंदिर इ.स.६३४ साली चालुक्य राजा कर्णदेव याने बांधले असल्याचे इसिहास संशोधक सांगतात. 

मंदिराचे पहिले बांधकाम चालुक्य राजघराण्याच्या काळात झाले. पुराणे, अनेक जैन ग्रंथ, ताम्रपत्रे व सापडलेली अनेक कागदपत्रे यांवरून अंबाबाई मंदिराचे पुरातत्व सिद्ध होते.

राजर्षी शाहु महाराजांच्या काळात या मंदिर परिसराचा विकास झाला. त्याच काळातले मंदिर परिसरातले काही फोटोही उपलब्ध आहेत.  

अंबाबाईच्या दर्शनासाठी दूरदूरच्या अंतराहून शेकडो अनेक भाविक येतात

प्रसिद्ध हेमाडपंती स्थापत्यशैली वास्तुशिल्प पद्धतीने या मंदिराची बांधणी आहे