सबस्क्राईब करा
मुंबई : किस काय असतं हे कळण्याचं ते वय नव्हतं आणि त्या वयात किस कळावं असा तो काळही नव्हता; पण तरीही पार्लेचं किसमी लहान मुलांमध्ये जबरदस्त लोकप्रियता मिळवत गेलं.
स्वदेशी चळवळीतून सुरू झालेल्या पार्ले कंपनी बिस्किटे, चॉकलेट्स आणि गोळ्या भारतात तयार करण्यास सुरूवात केली. पुढे या कंपनीने यशाची जी नवनवीन शिखरं गाठली त्यातीलच एक म्हणजेच किसमी चॉकलेट.
ज्या काळात बिस्किटे, चॉकलेट्स आणि गोळ्या फक्त इंग्रजांच्या कारखान्यात बनवल्या जात होत्या त्या काळात चौहान कुटुंबाने भारतात बिस्किटांचा कारखाना सुरू केला. या कारखान्यातून बाहेर पडणारं पार्ले-जी बिस्कीट प्रचंड लोकप्रिय झालं.
या कंपनीचं दुसरं उत्पादन म्हणजे किसमी चॉकलेट. या चॉकलेटच्या आवरणावर एक मुलगा आणि मुलगी एकमेकांना किस करताहेत असं चित्र असायचं.
पण यात वावगं वाटावं असं काहीच नव्हतं. कारण त्या चित्रापेक्षा आवरणाच्या आतील चॉकलेटवरच मुलांचं जास्त लक्ष असायचं. साखरेचा पाक आणि वेलचीपासून तयार होणारं हे चॉकलेट आर्थिकदृष्ट्याही सोयीचं होतं.
त्या काळातल्या मुलांना पॉकेटमनी वगैरे मिळत नव्हता. त्यामुळे येणाऱ्या-जाणाऱ्या पाहुण्याने हातावर टेकवलेला एक रुपया किसमीसाठी पुरेसा असायचा.
१ रुपयाला ४ चॉकलेटं मिळायची. २ रुपयांचा किसमी बारही मिळायचा. या चॉकलेटांनी मुलांचं पोट भरायचं आणि मनही.
काळानुसार प्रत्येक कंपनी आपल्या उत्पादनात काही ना काही बदल करत असते. यानुसार पार्लेनेही किसमीची किंमत वाढवून एक रुपया केली. आता या किसमीमध्ये रोझमिल्क, राजभोग, मिठा पान, कुल्फी असे फ्लेवर्सही उपलब्ध झाले आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.