स्वतःवरची एक ‘गुंतवणूक’

शलाका तांबे - लेखिका, लाइफ कोच, समुपदेशक

वैयक्तिक वाढ आणि आपला वैयक्तिक विकास, या दोन्ही गोष्टी एक संतुलित आणि प्रगतिशील आयुष्य घडवण्यासाठी खूप महत्त्वाच्या असतात; पण वैयक्तिक वाढ, ज्याला आपण इंग्रजीत ‘personal growth’ असे म्हणतो, म्हणजे नक्की काय? आणि ही growth नक्की कशी दिसते? तर आपण जेव्हा आपल्या स्वभावातले गुण-दोष स्वतः ओळखायला लागतो, आपल्या स्वभावातील गुणांना प्रबळ बनवण्यावर आणि दोषांना कमी करण्यावर भर देतो, आपल्या विचारांचे, भावनांचे योग्य नियोजन करायला शिकतो, आणि आपल्या प्रगतीसाठी नवीन उपयुक्त विचार, सवयी, आत्मसात करायला लागतो, तेव्हा आपली वैयक्तिक वाढ होते.