व्यक्तिमत्त्वाचा खरा अर्थ

- अश्विनी आपटे- खुर्जेकरपर्सनॅलिटी किंवा व्यक्तिमत्त्व हा शब्द आपण आजकालच्या जगात अगदी सहजपणे वापरतो. आपण कित्येकदा म्हणतो, याचं व्यक्तिमत्व खूपच छान आहे, किंवा मला माझं व्यक्तिमत्त्व चांगलं घडवायचं आहे. पण व्यक्तिमत्त्व किंवा पर्सनॅलिटी म्हणजे नेमकं काय? फक्त कपडे, रूप, बोलण्याची पद्धत, चालणं, बोलणं एवढंच का? की या पलीकडेही काही अधिक खोल आणि अर्थपूर्ण आहे? .आपल्यापैकी अनेकांची अशी समजूत आहे, की व्यक्तिमत्त्व या शब्दाचा अर्थ फक्त वरवरचं दिसणं, राहणं, स्टाइल यापुरताच मर्यादित आहे; पण खरंतर व्यक्तिमत्त्व म्हणजे व्यक्ती म्हणून तुमचं संपूर्ण असणं. अगदी तुमची विचार करण्याची पद्धत, दृष्टिकोन, भावना व्यक्त करण्याची शैली, इतरांशी तुमचं वागणं आणि तुम्ही स्वतःला कसं पाहता या सगळ्याचा एकत्रित परिणाम म्हणजे तुमचं व्यक्तिमत्त्व..मैत्रिणींनो, आजच्या काळात व्यक्तिमत्व हा एक फॅन्सी किंवा केवळ कॉर्पोरेट जगात उपयोगी पडणारा विषय उरलेला नाही. आज एक सामान्य गृहिणी असो, नोकरी करणारी स्त्री असो, विद्यार्थिनी असो, किंवा आपल्या कुटुंबासाठी घरी राहणारी आई असो, सगळ्यांनाच स्वतःचं व्यक्तिमत्त्व समजून घेणं आणि त्याचं योग्य जतन करणं खूप आवश्यक झालं आहे..तुमच्या व्यक्तिमत्त्वाचा तुमच्या जीवनावर खूप खोल परिणाम आहे. एखाद्या व्यक्तीचा आत्मविश्वास कमी असेल, सतत नकारात्मक विचार करत असेल, स्वतःची किंमत कमी करत असेल, तर अशी व्यक्ती कितीही हुशार असली, तरी तिचं व्यक्तिमत्व प्रभावी वाटत नाही; पण या उलट एखादी साधी व्यक्ती जी नम्र आणि सकारात्मक आहे, स्पष्टपणाने आपली मते मांडू शकते.माणसांना जोडण्याची ज्या व्यक्तीमध्ये कला आहे, ती व्यक्ती अनेक पटींनी अधिक प्रभाव पाडते. त्यामुळे फक्त कपडे, दिसणं, स्टाईल यांना व्यक्तिमत्त्वामध्ये महत्त्व नसून, तुम्ही स्वतः कोण आहात, तुमचे विचार, तुमची ऊर्जा, तुमचा स्वतःकडे पाहण्याचा दृष्टिकोन, या सगळ्या गोष्टी तुमचं खरं व्यक्तिमत्त्व घडवतात..सध्या सोशल मीडिया, करिअर स्पर्धा, पिअर प्रेशर या सगळ्या गोष्टींमुळे आपण फक्त कसे दिसतो याकडेच लक्ष द्यायची आपल्याला सवय लागली आहे. नीटनेटके कपडे, चेहऱ्यावरचे हावभाव, तुमचं चालणं, उठणं, बसणं या गोष्टी महत्त्वाच्या असल्या, तरी फक्त त्याच गोष्टी महत्त्वाच्या नाहीत. मैत्रिणींनो, पोकळ चकाकी टिकत नाही, टिकते ती खरी ओळख, खरी व्यक्तिमत्त्वाची छाप..तुमच्या माझ्यासारख्या स्त्रियांच्यासाठी ही गोष्ट खूप महत्त्वाची आहे. कारण आजही अनेक घरात समाजामध्ये स्त्रियांच्या बोलण्याला निर्णयाला किंवा तिच्या असण्याला तेवढं महत्त्व दिलं जात नाही. अशावेळी तिचं व्यक्तिमत्त्व ठाम आणि आत्मविश्वास पूर्ण असेल, तिच्या बोलण्यात वजन असेल तर निर्णयात स्थिरता असते आणि तिच्या उपस्थितीत सहज ओढ निर्माण होते..पण मैत्रिणींनो, एक गोष्ट मात्र नक्की लक्षात ठेवा. व्यक्तिमत्त्व घडवणं म्हणजे काही दिवसात होणारी गोष्ट नाही. स्वतःला वेळ देऊन, स्वतःवर काम करून, स्वतःला समजून घेऊन, स्पष्ट विचार, माणसे जोडण्याची कला, आणि सतत शिकण्याची वृत्ती या सगळ्यातूनच हळूहळू व्यक्तिमत्त्व घडतं आणि एकदा का तुमचं व्यक्तिमत्त्व तयार झालं की तुम्ही कुठेही असा, घरात, ऑफिसमध्ये, मंचावर, समाजात. तुमचं अस्तित्व लोकांना जाणवतं..आजचा दिवस फक्त विचार करण्याचा नाही, तर कृती सुरू करण्याचा आहे. स्वतःला ओळखा. आपली ताकद स्वीकारा आणि आपल्या कमतरतांवरती काम करा. कारण तुमचं व्यक्तिमत्त्व ही तुमची जबाबदारी आहे आणि ते घडवणं हा एक सुंदर प्रवास आहे. स्वतःवर विश्वास ठेवा- कारण तुमचं व्यक्तिमत्त्व तुम्हाला जगापुढे उभा करेल - आत्मविश्वासाने आदराने आणि ठामपणे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

व्यक्तिमत्त्वाचा खरा अर्थ

Related Stories