नातं म्हटल्यावर किरकोळ भांडण होणार हे ठरलेलंच असतं. कधी त्याकडे दुर्लक्ष करत तर कधी जोडीदाराच्या चुकांकडे कानाडोळा करत संसार केला जातो. नाते दोघांचे असते पण ते टिकवण्यासाठीची धडपड एकाचीच दिसते. यामुळे नात्याची गरज नक्की कोणाला असे प्रश्नही पडू लागतात.
नात्यात कधीतरी होणारी भांडण जेव्हा मोठ्या भांडणात रूपांतरित होतात. तेव्हा नाते नकोसे वाटायला लागते. कुटुंबातील व्यक्ती, पाहुणे यांनाही तूमच्यातले वाद कळतात. तेव्हा त्यांना सामोरे जाणे कठीण होऊन बसते.
नातं लग्नाचं असो वा केवळ प्रेमाचं त्यात आपुलकी जिव्हाळा आणि प्रेम असायलाच हवे. पण, तूमच्यात तो जिव्हाळा संपला असेल तर पुन्हा एकदा नात्याला रिस्टार्ट करण्याची गरज आहे. कसे ते पाहुयात.
सध्या सुरू असलेला व्हॅलेंटाईन विक तूम्हाला तूमचे हरवलेलं प्रेम परत मिळवून देण्यासाठी मदत करू शकतो. तूम्हाला आठवतं का तूम्ही तूमच्या पत्नीला शेवटचं आय लव्ह यू कधी म्हणाला होता ते. नाही ना? तूमचेही उत्तर नाही असे असेल तर आज प्रपोज डेच्या निमित्ताने पुन्हा एकदा प्रेम उतू घालवा. म्हणजे, एखाद्या छानशा लोकेशनवर पत्नीला फिरायला न्या आणि तिला पुन्हा एकदा प्रपोज करा.
गिफ्ट द्या
पत्नीला शेवटचं गिफ्ट कधी दिले हेही तूम्हाला आठवत नसेल. कारण, शॉपिंगला जाण्यासाठी तूम्ही तिला पैसे तर देता पण वेळ देऊ शकत नाही. त्यामूळे तिला पहिल्यांदा भेटलात तेव्हा जे काही दिले होते ते गिफ्ट परत दिले तरी तूमच्या जून्या आठवणीत ती रमून जाईल.
तीला आवडणारी स्टाईल करा
पत्नीला काय आवडते हे तरी आतापर्यंत तूमच्या लक्षात आलेच असेल. त्यामूळे तिला जसे आवडते तसेच रहा. म्हणजे, ज्या दिवशी प्रपोज करणार आहात तेव्हा एखाद्या छान कॅंडल लाईट डिनरला जाण्यास काहीच हरकत नाही.
गप्पा हेच सोल्युशन
एकमेकांसोबत मनमोकळ्या गप्पा मारून किती वर्ष उलटली आहेत, याचा काही अंदाज नसतो. जो तो उठला कि आपल्या रूटीनच्या मागे लागतो. पण, डेटवर गेल्यावर सोशल मिडिया, फोन, मित्र सगळं बाजूला ठेऊन एकमेकांबद्दल बोला. सुरूवातीचे दिवस आठवा आणि गुलाबी क्षणाना उजाळा द्या.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.