Raw Mango: उन्हाळ्यात कैरीचा थंडगार कचुंदा घरीच नक्की करा ट्राय, जाणून घ्या रेसिपी

निर्मला दरगड

raw mango Chilled Kachunda juice Know Recipe

उन्हाळ्यात कुरड्या, तांदळाचे पापड, खारोड्या, लोणचे, नागलीचे पापड, साबुदाण्याच्या पापड, कुरडई, साबुदाण्याच्या पापड यांना अगदी उधाण येते. आंबावडी आता विकत मिळत असली तरी आम्ही मात्र अजूनही आंबावडी करतो. या ऋतुत लिंब महाग मिळतात आणि वेळेवर पाहुणे आले की, गडबड होते. त्यामुळे आमच्या घरी कैरीचा कचुंदा हमखास असतो.

कैरीचा कचुंदा बनवण्यासाठी लागणारे साहित्य

कैरी

साखर

काळे मीठ

भाजलेले जीरं

विलायची पावडर

मीठ चवीनुसार

बर्फ

कैरीचा कचुंदा बनवण्याची कृती

कैरीचा कचुंदा करण्यासाठी कैरी उकडून घ्यायच्या. उकडलेल्या कैरीचा गर काढून मिक्सरमधून फिरवून घ्यायचे. पाणी गरम करुन गर टाकायचा. त्यात साखर, काळे मीठ, भाजलेले जिरे, विलायची पूड व साधे मीठ टाकायचे. मंद आचेवर हा गर आटवून घ्यावा. थंड झाल्यावर हा गर बरणीत भरुन घ्या. ऐनवेळी मिक्सरमध्ये पाणी घालून त्यात थोडासा गर टाकून मिक्सर एकवेळ फिरवा. बर्फ टाकून गारेगार शरबत तयार.