14 फेब्रुवारी रोजी जगभरात व्हॅलेंटाईन डे साजरा केला जातो. व्हॅलेंटाईन डे च्या दिवशी प्रेमी जोडपं एकमेकांसोबत वेळ घालवतात, प्रेम व्यक्त करतात. कपल्ससाठी हा दिवस सर्वात मोठा मानला जातो. पण सिंगल लोकांचं काय? त्यांच्यासाठी तसा हा दिवस काही खास नसतो. त्यांच्या मनात काय सुरू असतं हे त्यांनाच माहीत.
पण सिंगल लोक सुद्धा हा दिवस साजरा करू शकतात. व्हॅलेंटाइन डेला तुम्ही सिंगल असाल तर काळजी करण्याची गरज नाही, कारण तुमच्यासाठीही तो खास बनवण्याचे अनेक मार्ग आहेत.
या दिवशी स्वतःला सर्वात जास्त महत्त्व द्या. तुम्ही अप्रतिम स्पा ट्रीटमेंट प्लॅन करू शकता. तसेच फेशियल मास्क लावा, आरामशीर आंघोळ करा, तुमचे आवडते पुस्तक वाचा किंवा शांत म्युझिक ऐका. जे तुम्हाला चांगले वाटते ते करा.
व्हॅलेंटाइन डे आणि त्यानंतरचे दोन दिवस सुट्टी घ्या आणि कुठेतरी शांत ठिकाणी फिरायला जा. असं एखादं तरी ठिकाण असेल ना जिथे तुमची जाण्याची इच्छा असेल पण अनेक दिवसांपासून तिथे जाणं शक्य होत नसेल. तिथे जाण्याची या दिवसापेक्षा चांगली संधी कोणती असेल?
पेंटिंग, डान्स, लेखन, फोटोग्राफी तुमच्या आवडीचा कोणताही छंद निवडा आणि या दिवशी त्याची सुरुवात करा.
माइंड डायव्हर्ट करण्याचा शॉपिंगपेक्षा चांगला दुसरा पर्याय नसेल. तुम्ही लोकल मार्केटमध्ये फेरफटका मारू शकता. कदाचित तुम्हाला चांगल्या वस्तू खरेदी करायला मिळतील.
अनाथाश्रम किंवा वृद्धाश्रमाला भेट देऊ शकता आणि गरजूंना मदत करू शकता. त्यांचा हसरा चेहरा पाहून तुमचे मन आनंदाने भरून जाईल.
14 फेब्रुवारीला तुम्ही अ‍ॅडव्हेंचर ट्रिप प्लॅन करू शकता. बंजी जंपिगपासून ते रिव्हर राफ्टिंगसारखे अ‍ॅडव्हेंचरस स्पोर्ट्स तुम्ही करू शकता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
