डॉ. राजश्री पाटील - प्राध्यापक, एसएनडीटी महिला विद्यापीठ
घर हा जर ललितनिबंध असेल तर मास्टर बेडरूम ही कविता आहे. सहजीवनाच्या विविध वळणांना पाहिलेली नादमय कविता. रम्य संध्याकाळ, घरातल्या पिल्लांच्या किलबिलाटाने उजाडलेला दिवस, सुखाचे क्षण, काळजीची काजळी, चढ-उतार काय काय पाहिलेलं असतं या खोलीनं. त्या त्या कुटुंबाचं वारसाहक्कानं प्राप्त झालेलं संचित, मोलाचा ऐवज, महत्त्वाची कागदपत्रं ते झबली टोपडी असं सगळं सगळं सामावून घेणारी ही खोली विशेष सुंदर असावी.
