Carrot-Beetroot Recipies : गाजर आणि बीटापासून बनवा 'या' सोप्या रेसिपीज, रहाल तंदुरूस्त

Carrot-Beetroot Recipies : हिवाळ्यात बाजारात मोठ्या प्रमाणात हिरव्या पालेभाज्या आणि फळांची आवक होते. त्यामुळे, या दिवसांमध्ये विविध प्रकारची फळे आणि पालेभाज्या खायला मिळतात.
Carrot-Beetroot Recipies
Carrot-Beetroot Recipiesesakal

Carrot-Beetroot Recipies : हिवाळ्यात बाजारात मोठ्या प्रमाणात हिरव्या पालेभाज्या आणि फळांची आवक होते. त्यामुळे, या दिवसांमध्ये विविध प्रकारची फळे आणि पालेभाज्या आपल्याला खायला मिळतात. जीवनसत्वे आणि खनिजांनी समृद्ध असलेले गाजर, मटार आणि बीट खाल्ल्याने शरीराला भरपूर ऊर्जा मिळते आणि रोगप्रतिकाराक शक्ती मजबूत होते. यासोबतच चयापचय क्रिया आणि दृष्टी देखील सुधारते.

अशक्तपणा दूर करण्यासाठी तुम्ही गाजर आणि बीट यांची मदत घेऊ शकता. त्यामुळे, अनेक जण आहारात या फळभाज्यांचा समावेश करतात. गाजर आणि बीट यांच्यापासून बनवल्या जाणाऱ्या काही सोप्या रेसिपीज आज आम्ही तुम्हाला सांगणार आहोत. कोणत्या आहेत या रेसिपीज? चला तर मग जाणून घेऊयात.

Carrot-Beetroot Recipies
Carrot Benefits : हिवाळ्यात गाजराचा ज्यूस आरोग्यासाठी आहे लाभदायी, जाणून घ्या 'हे' फायदे

गाजर आणि बीटाची स्मूदी

हेल्दी आणि टेस्टी गाजर-बीटाची स्मूदी बनवण्यासाठी १ गाजर आणि १ बीट सोलून आणि चिरून घ्या. यामध्ये एक केळ, एक कप ग्रीक दही, दालचिनी आणि मध मिसळा. आता हे मिश्रण चांगल्या प्रकारे एकत्र करा. आता या मिश्रणाची मिक्सरला बारीक पेस्ट करून घ्या. तुमची गाजर-बीटाची स्मूदी तयार आहे.

विविध प्रकारची खनिजे, फायबर्स आणि जीवनसत्वांनी युक्त असलेली ही स्मूदी तुम्ही दुपारच्या जेवणात किंवा रात्रीच्या जेवणात पिऊ शकता. या स्मूदीचे सेवन केल्याने पचनक्रिया सुधारते आणि रोगप्रतिकारक शक्ती देखील मजबूत होते.

गाजर-बीटाचे सूप

गाजर आणि बीटाचे सूप बनवण्यासाठी सर्वात आधी एक गाजर आणि १ बीट धुवून घ्या. त्यानंतर, गाजर आणि बीट बारीक चिरून घ्या. आता या चिरलेल्या मिश्रणात लसूण, कांदा घाला. हे मिश्रण आता कुकरला किंवा पॅनमध्ये चांगले शिजवून घ्या.

आता हे मिश्रण एकजीव करून घ्या. या मिश्रणात आले, हळद आणि थोडी काळी मिरी घाला. हे मसाले तुमच्या सूपची चव तर वाढवतातच मात्र, त्यामध्ये असलेले पोषकघटक रोगप्रतिकारकशक्ती मजबूत करतात. हे गरमागरम सूप तुम्ही दुपारच्या जेवणात किंवा रात्रीच्या जेवणात पिऊ शकता. या सूपामुळे शरीराला ऊर्जा मिळेल आणि तुमचा मूड देखील सुधारण्यास मदत होईल.

Carrot-Beetroot Recipies
Carrot Paratha Recipe : बटाटा अन् मेथीच्या पराठ्याला कंटाळलाय, हा गाजराचा पराठा ट्राय करा

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com