No Shave November: नोव्हेंबरमध्ये दाढी न करण्यामागचं कारण काय?

नोव्हेंबर महिना जगभरात No Shave November म्हणून ओळखला जातो. त्यामागचे कारण म्हणजे कर्करोगाविषयी तरुणांमध्ये जनजागृती करणे. ही संकल्पना अमेरिकेच्या मॅथ्यू हिल फाउंडेशनची आहे. ही संस्था कर्करोगाविषयी जागरूकता वाढवण्यासाठी काम करते. 'नो-शेव्ह नोव्हेंबर' हा या मोहिमेचा एक भाग आहे.

हिल फाउंडेशनच्या माहितीनुसार, नो-शेव्ह नोव्हेंबर 2009 पासून साजरा केला जात आहे. या मोहिमेंतर्गत नोव्हेंबरचा संपूर्ण महिना दाढी केली जात नाही. कर्करोगाच्या उपचारादरम्यान रुग्णांचे केस गळतात. त्यांच्यासाठी ही मोहीम सुरू करण्यात आली आहे.

तसेच पुरूषांच्या मानसिक आरोग्याविषयीही या दरम्यान जनजागृती करण्यास आता सुरूवात झाली आहे. सहसा पुरूष आपल्या आजाराविषयी किंवा आपल्या अस्वस्थतेविषयी चर्चा करत नाहीत. पण आता पुरूषांनी याविषयी चर्चा करणे अतिशय गरेजेच आहे. त्यांनी स्वत याविषयी बोलले पाहिजे. तसेच तुमच्या चर्चेमध्ये मानसिक स्वास्थ्य आणि कर्करोगाविषयीही मुद्दे असू द्या. यामुळे तुम्ही तुमचे वडील, मुलगा आणि मित्रांना वाचविण्यासाठी एक पाऊल पुढे टाकू शकता.