Stress : तरुणाईने शोधलंय मानसिक ताणावरील उत्तर

- साक्षी मोरे

मानसिक तणाव मानवी जीवनाचा अविभाज्य भाग आहे. किंबहुना असा एकही व्यक्ती नाही ज्याला मानसिक तणाव नाही. लहान मुलांपासून ज्येष्ठ नागरिकांपर्यंत साऱ्यांना मानसिक तणाव आहे. यात सर्वाधिक तणावातून जाणाऱ्या तरुणाईने मानसिक तणावावर उत्तर शोधले आहे.

कारण आजची तरुणाई व्यक्त व्हायला लागली आहे. त्यामुळे ताण हलका होतोय. ही बाब व्यक्तिमत्त्व विकासासाठी आवश्यक आहे. तरुणाईने त्यांच्या मानसिक ताणावरचे उत्तर नक्कीच शोधले आहे.

• सोशल मीडियाच्या माध्यमातून मोठ्या प्रमाणात जनजागृती होत असल्याने आजचा तरुण सजग झाला आहे. त्यामुळे मानसिक तणावावर शेअरिंग वाढले आहे. ज्यामुळे प्रश्नांची उत्तरे मिळू लागली आहेत.

• मी अशी का दिसते किंवा मला हे येत नाही, यावर तरुणांनी टेन्शन घेत नाही कारण त्यांना हे चांगलेच उमगले आहे की माझ्यात एखाद्या गोष्टीची कमी असेल तर चार चांगल्या गोष्टी माझ्यात आहेत. त्यामुळे साध्या साध्या गोष्टींवरून नर्व्हस होणे आजच्या तरुणाईला अपेक्षित नाही.

• आजच्या तरुणांना फॅमिली सपोर्ट वाढला आहे. त्यामुळे घरच्याकडून चांगल्या गोष्टी मिळतात. ज्यामुळे तणाव कितीही आला तरी तो चुटकीसरशी दूर पळतो. तरुणांना समजून घेणारे असल्याने तणावाचा प्रश्न कमी झाल्याचे मला वाटते.

• डिप्रेशन यूथचा मोठा विषय असला तरी त्यांनी त्यापासून स्वतःची सोडवणूक कशी करायची, यावर उपाय शोधला आहे. मित्र-मैत्रिणींचे एकमेकांमध्ये शेअरिंग वाढल्याने तरुणाईमधील तणाव कमी व्हायला लागला आहे.