औरंगाबाद - काँग्रेसचे माजी जिल्हाध्यक्ष अब्दुल सत्तार आणि मराठा आरक्षण याचिकाकर्ते विनोद पाटील यांच्या भेटीने नव्या राजकीय चर्चांना उधाण आले आहे.
2019 लोकसभेच्या निवडणूकीची रंगत दिवसेंदिवस वाढत असून उमेदवार राजकीय व्यूहरचना करण्यात व्यस्त झाले असतानाच या भेटीने औरंगाबाद लोकसभा मतदार संघात नवी समीकरणे जुळणार का या चर्चांना उधाण आले आहे. अब्दुल सत्तार आणि विनोद पाटील यांच्यात तब्बल दोन तास पाटील यांच्या निवासस्थानी लोकसभा निवडणुकी संदर्भात खलबते झाली.
दरम्यान, मराठा आरक्षणाचा निकाल जोपर्यंत लागत नाही तो पर्यंत कुठलीही राजकीय निवडणूक न लढविण्याची प्रतिज्ञा विनोद पाटील यांनी केलेली असल्यामुळे ते या निवडणुकीत काय भूमिका घेतात वा कोणाला पाठिंबा देतात याकडे संपूर्ण राजकीय वर्तुळाचे लक्ष विनोद पाटील यांच्याकडे लागलेले आहे. या वेळी मध्यवर्ती बँकेचे संचालक अभिजित देशमुख, राष्ट्रवादी युवकचे शहर अध्यक्ष दत्त भांगे उपस्थित होते.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.