सोलापूर : संपूर्ण राज्याचे लक्ष लागून राहिलेल्या माढा लोकसभा मतदारसंघात सकाळी 11 च्या सुमारास निमगावसह अन्य काही गावांमधील भाजपच्या पोलिंग एजंटांना मतदान केंद्रांवरुन हाककल्याचा आरोप करत येथील मतदान प्रक्रिया रद्द करावी, फेर मतदान घ्यावे आणि संबंधित केंद्रांवरील अधिकाऱ्यांना निलंबीत करावे, अशी मागणी भाजपचे उमेदवार रणजितसिंह निंबाळकर यांनी केली आहे. याबाबत निवडणूक आयोगाकडे तक्रार करणार असल्याचेही त्यांनी या वेळी स्पष्ट केले. माढ्यामध्ये दुपारी 3 वाजेपर्यंत सरासरी 44.10 टक्के मतदान झाले होते.
माढा लोकसभा मतदारसंघात पंतप्रधान नरेंद्र मोदी, मुख्यमंत्री देवेंद्र फडणवीस यांच्यासह अन्य दिग्गजांच्या सभा झाल्या. सुरुवातीला या मतदारसंघातून राष्ट्रवादीचे सर्वेसर्वा शरद पवार हे निवडणूक लढविणार होते परंतु, त्यांनी अचानक माघार घेतली. त्यानंतर जिल्हा परिषदेचे अध्यक्ष संजय शिंदे यांना उमेदवारी दिली. भाजपकडून रणजितसिंह मोहिते-पाटील अथवा माजी उपमुख्यमंत्री विजयसिंह मोहिते-पाटील यांना उमदेवारी मिळेल, अशी शक्यता होती. मात्र, फलटणचे रणजितसिंह निंबाळकर यांना कॉंग्रेसमधून भाजपमध्ये घेऊन उमदेवारी देण्यात आली.
मोहिते-पाटील यांच्या अस्तित्वाचा तर शरद पवार यांच्या प्रतिष्ठेच्या या मतदारसंघात विजय मिळविण्यासाठी दोन्ही उमदेवारांनी कंबर कसली आहे. मतदारांची उत्सुकता अन् संजय शिंदे यांचा मतदारसंघातील बोलबाला, या पार्श्वभूमीवर रणजितसिंह निंबाळकर यांनी करमाळा, सांगोला, पंढरपूर या ठिकाणी जाऊन पाहणी केली. त्यानंतर त्यांनी माढ्यातच ठाण मांडल्याचेही पहायला मिळाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
