कारणराजकारण : आलिशान सोसायट्यांमधील रहिवाशांची पाण्यासाठी वानवा (व्हिडिओ)

लोकसभा 2019
औंध (पुणे) : औंधमधील बाहेरून दिसणाऱ्या आलिशान सोसायट्यांमधील नागरिक लिटरभर पाण्यासाठी धडपड करत असल्याचे चित्र दिसले. त्यामुळे या रहिवाशांचा रोष आज 'सकाळ'च्या कारणराजकारण या मालिकेत व्यक्त झाला. 

याशिवाय वाहतूक, कचरा समस्या, नदीतील जलपर्णी व त्यामुळे वाढलेले डासांचे साम्राज्य यामुळे तेथील नागरिक त्रस्त आहेत. तर केंद्र सरकारच्या 'स्मार्ट सिटी' या सर्वात मोठ्या प्रकल्पाचा उपयोग होण्याऐवजी त्याचे दुष्परिणामच या नागरिकांना भोगावे लागत आहेत. कुठे रस्त्यावर उखडून वर आलेल्या 'पेव्हर ब्लॉक'ची गर्दी तर कुठे मोठमोठ्या पदपथांचा उपयोग अनधिकृतपणे वापर करणारे हातगाडीवाले दिसत आहेत. मॉल आणि मल्टिप्लेक्सची इथे गर्दी असली तरी पायाभूत सुविधांची मात्र इथे वानवा आहे.

नगरसेवक व खासदार यांनी मिळून काम केले तर इथे आणखी विकास नक्की होईल, अशी या रहिवाशांची अपेक्षा आहे. कारणराजकारण या मालिकेच्या दुसऱ्या भागात आपण घेत आहोत पुणे लोकसभा मतदारसंघाचा आढावा.