Loksabha 2019 : दौंडला रात्री आठपर्यंत मतदान

दौंड - दौंड विधानसभा मतदारसंघात मतदारांनी नेहमीप्रमाणे शेवटच्या क्षणी गर्दी केल्याने रात्री पावणेआठ वाजता मतदानाची प्रक्रिया संपली. 

दौंड शहरातील शेठ ज्योतिप्रसाद विद्यालय, गीताबाई बंब शाळा, लाजवंती गॅरेला विद्यालयासह तालुक्‍यातील पाटेठाण, नंदादेवी, लोणारवाडी आणि काही गावांत सहा वाजताही मतदारांच्या रांगा लागल्या होत्या. परिणामी, मतदानाची प्रक्रिया लांबली. मतदान संपल्यानंतर संबंधित केंद्राध्यक्ष व मतदान कर्मचारी हे दौंड येथील शासकीय धान्य गोदामात ईव्हीएम व मतदान साहित्य जमा करण्यासाठी एसटी बसने रात्री पावणेअकरापर्यंत येत होते. त्यामुळे मतदारसंघातील मतदानाची अंतिम टक्केवारी उपलब्ध झाली नाही.