esakal | Wari 2019 : दर्याच्या मच्छीमारांची वैराग्याची वारी
sakal

बोलून बातमी शोधा

Wari

अशुद्ध पाण्याचा धंदा तेजीत
विठुरायाच्या दर्शनासाठी पंढरपुरात आलेल्या लाखो भाविकांना प्रशासनाने पिण्याचे पाणी उपलब्ध करून दिले असले, तरी वारीत बाटलीबंद पाण्याची जोरदार विक्री सुरू आहे. यामध्ये बाटलीत अशुद्ध आणि विनापरवाना पाणी भरून विकले जात असल्याचे अनेक ठिकाणी प्रकार सुरू आहेत. भाविकांच्या जिवाशी खेळ खेळणाऱ्या अशा व्यावसायिकांवर कठोर कारवाई करावी, अशी मागणी भाविकांमधून केली जात आहे. पंढरीत आलेल्या भाविकांना प्रशासनाने विविध ठिकाणी पिण्याच्या सोय केली असली तरी बहुतांश भाविकांकडून बाटली बंद पाण्याला मोठी मागणी असते. हीच नामी संधी ओळखून काही स्थानिक व बाहेर पाणी विक्री करणाऱ्या व्यावसायिकांनाही विनापरवाना बाटलीबंद पाणी विक्रीचा धडाका लावला आहे.

Wari 2019 : दर्याच्या मच्छीमारांची वैराग्याची वारी

sakal_logo
By
शंकर टेमघरे

वाखरी (जि. सोलापूर) - वर्षभर समुद्रात मासेमारी करणारे मच्छीमारही संत ज्ञानेश्वर महाराजांच्या पालखी सोहळ्याच्या मागे पंढरीची पायी वारी करतात. तेही अवघ्या दहा दिवसांत. हरिनामात दंग होत हे वारकरी दररोज सुमारे ३५ ते ४० किलोमीटरचे अंतर पायी पार करतात. मच्छीमारांची ही दिंडी जणू वैराग्याची वारी करीत असते. आळंदीतील प्रस्थानानंतर सहा दिवसांनंतर निघालेल्या अर्नाळा कोळीवाडा मच्छीमार दिंडीने मजल दरमजल करीत वाखरीत माउलींचा पालखी सोहळा गाठला. 

पंढरीच्या आनंदवारीत आपणही सहभागी व्हावे, या उद्देशाने दादामहाराज जोशी यांच्या प्रेरणेने आणि मोरेश्वर वैती यांच्या नेतृत्वाखाली अर्नाळा कोळीवाडा मच्छीमार दिंडीने पंढरीच्या वारीस सुरवात केली. यंदा अर्नाळा वारकरी मंडळाच्या दिंडीतील वारकऱ्यांची संख्या शंभर आहे. 

एक जून ते ३१ जुलै या दोन महिन्यांच्या काळात समुद्रात मच्छीमारी करण्यास बंदी असते. व्यावसायिक अडचणींमुळे मच्छीमारांना वारीत माउलींच्या पालखी सोहळ्यासमवेत अठरा दिवस देणे शक्‍य होत नाही. माउलींची पालखी लोणंदमध्ये असताना या मच्छीमार दिंडीने आळंदीत समाधीचे दर्शन घेऊन आपली पायी वारी सुरू केली. आळंदी निघून दिवेघाट, सासवड (देशमुखवाडी), नीरा, फलटण, बरड, नातेपुते, वेळापूर, असे मुक्काम करीत वाखरीत माउलींच्या सोहळ्याला गाठतात. हे मच्छीमार माउलींच्या पालखीच्या ओढीने हे अंतर पार करतात.