संशोधन संस्थांतील प्रवेश प्रक्रिया सुरू

जानेवारी आणि ऑगस्ट २०२३ च्या सत्राची घोषणा,
संशोधन संस्थांतील प्रवेश प्रक्रिया सुरू

पुणे: देशातील सर्वोच्च वैज्ञानिक संशोधन संस्थामध्ये पीएच.डी. बरोबरच पदव्युत्तर शिक्षण घ्यायची इच्छा असेल तर एक नामी संधी उपलब्ध झाली आहे. ॲकॅडमी ऑफ सायंटिफिक अॅन्ड इनोव्हेटिव्ह रिसर्च (एसीएसआयआर) या संस्थेच्या वतीने ऑगस्ट आणि जानेवारी २०२३ या दोन संत्रांची घोषणा केली आहे.

वैज्ञानिक आणि औद्योगिक संशोधन परिषद (सीएसआयआर), विज्ञान आणि तंत्रज्ञान विभाग (डीएसटी), भारतीय वैद्यक संशोधन संस्था (आयसीएमआर) आणि राष्ट्रीय महत्त्वाच्या संशोधन संस्थांमधील अभ्यासक्रमांच्या प्रवेशाची प्रक्रिया एसीएसआयआरच्या माध्यमातून पार पडत आहे. विज्ञान आणि अभियांत्रिकीतील पीएच.डी. बरोबरच सार्वजनिक आरोग्यातील पदव्युत्तर शिक्षण, निवडक विषयातील एम.एससी. आणि एम.टेक.

त्याबरोबर दुहेरी पदवीसाठीही ही विद्यार्थ्यांना प्रवेश घेता येणार आहे. केंद्रीय शिक्षण मंत्रालयाने २०१० मध्ये देशभरातील प्रयोगशाळा आणि संशोधन संस्थांतील अभ्यासक्रमांसाठी एसीएसआयआरची स्थापना केली. पुण्यातील राष्ट्रीय रासायनिक प्रयोगशाळेसह देशभरातील ५३ संस्थांमधील प्रवेश या प्रक्रियेद्वारे होतात.

महत्त्वाच्या तारखा

सत्र ः प्रवेशाची अंतिम मुदत

जानेवारी २०२३ ः ३० सप्टेंबर २०२२

ऑगस्ट २०२३ ः २८ फेब्रुवारी २०२३

प्रवेशासाठी संकेतस्थळ ः https://acsir.res.in/

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News
www.esakal.com