Amol Mitkari: राज्याचे उपमुख्यमंत्री तथा अर्थमंत्री अजित पवार यांनी सातत्याने ओबीसींवर अन्याय केला, असा आरोप करत ओबीसी नेते लक्ष्मण हाके यांनी टीकास्र सोडलं होतं. त्यांच्या टीकेला राष्ट्रवादी काँग्रेसचे प्रवक्ते अमोल मिटकरी यांनी प्रत्युत्तर दिलं. त्यानंतर उभय नेत्यांमध्ये शाब्दिक युद्ध रंगलं आहे. हाकेंचा उल्लेख करताना मिटकरींनी 'वायझेड' असं म्हटलं होतं. त्यावर हाकेंनी याचा अर्थ काय हे महाराष्ट्राला सांगावं, असं आवाहन केलं होतं.