Supriya Sule : खासदार सुप्रिया सुळेंनी साधेपणानं वाढदिवस केला साजरा

राजकीय नेत्यांचा वाढदिवस म्हटलं की मोठ-मोठे बॅनर, कार्यकर्त्यांची शुभेच्छा देण्यासाठी गर्दी पहायला मिळते. मात्र, कोरोनाच्या प्रादुर्भावामुळं गेल्या काही दिवसांपासून सर्व नेते आपला वाढदिवस साधेपणात आणि घरातच साजरा करत आहेत.

राष्ट्रवादी काँग्रेस पक्षाच्या खासदार सुप्रिया सुळे (MP Supriya Sule) यांचा 30 जून रोजी वाढदिवस आहे. त्यांनीही आपल्या घरीच वाढदिवस साधेपणानं साजरा केला आहे. वाढदिवसाच्या दिवशी सुप्रिया सुळे यांना राष्ट्रवादीच्या नेत्यांसह राजकीय नेते, कार्यकर्त्यांनी सोशल मीडियाच्या माध्यमातून शुभेच्छा दिल्या आहेत.

दरवर्षी सुप्रिया सुळे या कुटुंबीयांसोबत आपला वाढदिवस साजरा करत असतात. याही वर्षी सुप्रिया सुळे यांनी आपला वाढदिवस साधेपणाने घरीच साजरा केला. मागील वाढदिवसादिनी त्यांची मुलगी रेवतीच्या 'खास गिफ्ट'नं सुप्रिया सुळे भारावून गेल्या होत्या. "हा केक माझ्या वाढदिवसाचं स्पेशल गिफ्ट.. असं म्हणत त्यांनी लेकीचं कौतुक केलं होतं.