पाली : रायगड जिल्ह्यामध्ये महाड माणगाव आदी ठिकाणी मगरींचे मोठ्या प्रमाणात वास्तव्य आहे. बऱ्याचदा या मगरी मानवी वस्तीमध्ये देखील शिरतात. आता माणगाव तालुक्यातील खांदाड गावात सोनभैरव मंदिर परिसरात काळ नदीकिनारी एका मगरीचे घरटे आढळून आले आहे. या ठिकाणी मगरीची पिल्ले देखील आढळली. रविवारी (ता. 15) माणगाव वनविभाग व स्थानिक वन्यजीव रक्षक यांनी या मगरीचे घरटे व तिच्या पिल्लांना संरक्षित केले आहे.