Amol Kolhe : "दाढी काढली तर अमोल कोल्हेला कोणी ओळखणार पण नाही"

भाजपा आमदार नितेश राणे सध्या वर्धा दौऱ्यावर आहेत. यावेळी बोलताना त्यांनी काँग्रेस आणि राष्ट्रवादी काँग्रेसच्या नेत्यांवर सडकून टीका केली आहे. काँग्रेस नेते राहुल गांधी विकासासंदर्भात बोलत का नाहीत? काँग्रेसचा एकही नेता विकासासंदर्भात बोलतो का? असा सवाल करत असतानाच त्यांनी राष्ट्रवादीचे नेते आणि आमदार अमोल कोल्हे यांच्यावर नितेश राणेंनी हल्लाबोल केला आहे.

राष्ट्रवादी काँग्रेसचे खासदार अमोल कोल्हे यांच्याबद्दल बोलताना भाजप आमदार नितेश राणे यांची जीभ घसरली आहे. बोलताना ते म्हणाले की, 2024 मध्ये अमोल कोल्हेंना आपटून टाकू. इतकंच नाही तर, अमोल कोल्हे कुठेही भेटू दे त्याला दाखवतोच, अशा शब्दात राणेंनी हल्लाबोल केला आहे. त्यांच्या या विधानामुळे पुन्हा एकदा राजकीय वाद पेटण्याची शक्यता निर्माण झाली आहे.

हे ही वाचा : या महामार्गामुळं खरंच येईल 'समृद्धी'?

तर पुढे बोलताना नितेश राणे म्हणाले की, 'कुठला तो अमोल कोल्हे नावाचा ॲक्टर. पैसे घेऊन शिवाजी महाराजांचे रोल करतो. तो काही फुकट करीत नाही. नावासाठी खासदार झाला आहे. त्याला 2014 मध्ये आपटून टाकू. एवढं काही मोठा विषय नाही. दाढी काढली तर कोणी ओळखणार पण नाही. तो सिरीयल पुरताच आहे, अशा खोचक शब्दात नितेश राणे यांनी टीका केली आहे.

तर भारत जोडो यात्रेमधील राहुल गांधी यांची कोणतेही पत्रकार परिषद बघा. फक्त राष्ट्रीय स्वयंसेवक संघावर टीका करायची. हिंदू धर्मावर टीका करायची. फक्त आमच्या साधू संतांवर टीका करायची. वीर सावरकरांवर टीका करायची. बाकी काहीच नाही, असं म्हणत राणेंनी राहुल गांधीनाही त्यांनी लक्ष्य केलं आहे.