विनोद तावडे यांच्या आईचे निधन, मुंबईत घेतला अखेरचा श्वास!

भाजपचे राष्ट्रीय महासचिव विनोद तावडे यांच्या आई विजया श्रीधर तावडे यांचे निधन झाले आहे. मुंबईत त्यांनी अखेरचा श्वास घेतला. दीर्घ आजाराने त्यांचे निधन झाले. त्यांनी मुंबईत अखेरचा श्वास घेतला. 

विजया तावडे यांचे आज सायंकाळी वृद्धापकाळाने निधन झाले. त्या ८५ वर्षांच्या होत्या. उद्या सकाळी ९ वाजता अमृत एन्क्लेव्ह, नेहरू रोड, विलेपार्ले पूर्व येथील निवासस्थानाहून त्यांची अंत्ययात्रा निघेल. त्यांच्या पश्चात विनोद यांच्यासह उद्योजक पुत्र विलास, विवेक ही मुले, कन्या जयश्री कदम, सामाजिक कार्यकर्त्या स्नुषा वर्षा तावडे आणि बराच मोठा आप्त परिवार आहे.

यासंदर्भात स्वतः विनोद तावडे यांनी ट्विट करून माहिती दिली आहे. ते म्हणाले, "आपल्याला कळविण्यास अत्यंत दु:ख होत आहे की, माझी आई विजया श्रीधर तावडे यांचे दीर्घ आजाराने मुंबई येथे निधन झाले."