पुणेः नागपुरातील अधिवेशन (Nagpur Winter Session) आटोपून पुण्यातून माण इथं जात असलेले आमदार जयकुमार गोरे यांची गाडी बाणगंगा नदीच्या पात्रात कोसळल्याने आमदार जयकुमार गोरे (Jaykumar Gore) यांच्यासह अन्य तिघेजण जखमी झाले आहेत.
मात्र या अपघातानंतर जयकुमार गोरे यांच्या वडिलांनी घातपाताचा संशय व्यक्त केलाय. वडील भगवान गोरे यांनी रुग्णालयात जात जयकुमार यांची रुग्णालयात जावून भेट घेतली.
हेही वाचाः Love Jihad: प्रेमाला धर्म आहे...?
भगवान गोरे म्हणाले की, अपघात झाला त्यावेळी पुलावर वाहतूक नव्हती. अपघाताच्या ठिकाणी मी गेलो होता, तिथे अपघात होण्यासारखं काही नाही. पुलाचा कठडा तोडून गाडी गेली कशी? असा प्रश्न त्यांनी उपस्थित केला.
विशेष म्हणजे फलटणमध्येच हे घडतंय म्हणून मला शंका आहे, माझा कुणावरही संशय नाही, असं भगवान गोरे म्हणाले. जयकुमार गोरे यांच्यावर पुण्यातील रुबी हॉल रुग्णालयात उपचार सुरु आहे.
दरम्यान, आरोग्य मंत्री तानाजी सावंत यांनी जयकुमार गोरे यांची भेट घेतली. भेटून बाहेर आल्यानंतर सावंत म्हणाले, "आता आमदारांची प्रकृती स्थिर आहे. त्यांना कोणताही धोका नाही. गोरे माझ्या सोबत बोलले आमच्यात चर्चा देखील झाली पाच सहा दिवसांनंतर ते ICU मधून बाहेर येतील अशी माहिती तानाजी सावंत यांनी दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
