Fire News : खोल समुद्रात बोट पेटली, जीव वाचवण्यासाठी मच्छिमारांनी जे केलं ते वाचून थक्क व्हाल

सिंधुदुर्गः खोल समुद्रामध्ये बोट पेटल्याची घटना आज सिंधुदुर्गमध्ये घडली आहे. बोटीवरील मच्छिमारांनी सतर्कता बाळगून जीव वाचवला अन्यथा अनर्थ झाला असता.

आज दुपारी ही घटना घडली आहे. सिंधुदुर्गमधील देवगड बंदरावरील एक बोट खोल समुद्रात गेली. समुद्रात गेल्यानंतर अचानक या बोटीला आग लागली. क्षणात बोटीने पेट घेतला. जीव वाचवण्यासाठी बोटीवर उपस्थित असलेल्या लोकांनी पाण्यात उड्या घेतल्या.

हेही वाचा - Love Jihad: प्रेमाला धर्म आहे...?

तब्बल चार तासांच्या अथक परिश्रमानंतर आगीवर नियंत्रण मिळवण्यात यश आलंय. बोटीवरील मच्छिमारांनी जीवाच्या आकांताने खोल समुद्रात उड्या घेतल्या. या घटनेत कुठलिही जीवितहानी झालेली नाही. मात्र दोन मच्छिमारांना पायाला इजा झाली आहे.

दोघा मच्छिमारांचे पाय भाजल्याने त्यांना तातडीने उपचारासाठी रुग्णालयात हलवण्यात आलेले आहे. सिंधुदुर्गच्या देवगड बंदरावर यावेळी लोकांची गर्दी झाली होती. खोल समुद्रात घटना घडल्याने नेमकं काय झालंय ते कळत नव्हतं. परंतु सुदैवाने या घटनेत जीवितहानी झालेली नाही.