CBSE परीक्षा ऑफलाईन होणार, जाणून घ्या संपूर्ण प्रक्रिया

सेंट्रल बोर्ड ऑफ सेकंडरी एज्युकेशनमार्फत येत्या 26 एप्रिलपासून इयत्ता 12 वी आणि 10 वीच्या परीक्षा सुरू होणार आहेत. या शैक्षणिक वर्षातील दुसऱ्या सत्रात परीक्षा ऑफलाईन पद्धतीने आयोजित होणार आहेत. परीक्षेच्या आधी, बोर्ड लवकरच त्यांच्या अधिकृत वेबसाइटवर विद्यार्थ्यांसाठी प्रवेशपत्र जारी करणार आहे. (CBSE Board Exams 2022)

सर्वात महत्वाचं म्हणजे पहिल्या सत्रात असणारे रोल नंबर यंदाही समान असतील. CBSE लवकरच टर्म 2 परीक्षांसाठी नवीन हॉल तिकीट जारी करणार आहे. (CBSE Board Exams Latest News)

त्यामुळे प्रवेशपत्राची नेमकी तारीख अद्याप बोर्डाने जाहीर केलेली नाही. नवीन आणि जलद अपडेटसाठी, विद्यार्थ्यांनी अधिकृत वेबसाइटला cbse.gov.in भेट देणं महत्वाचं असणार आहे. एकदा प्रवेशपत्र जारी झाल्यानंतर विद्यार्थ्यांनी या वेबसाइटवरून त्यांचे प्रवेशपत्र डाऊनलोड करणं गरजेचं आहे. केवळ वेबसाइटवरूनच नाही तर विद्यार्थ्यांना त्यांचे प्रवेशपत्र त्यांच्या संबंधित शाळांमधून देखील मिळणार आहेत.

प्रवेशपत्र कसं डाऊनलोड करायचं.. ते जाणून घ्या!

• सीबीएसईची अधिकृत वेबसाइट cbse.gov.in या वेबसाईटवर जा

• मुख्यपृष्ठावर दिलेल्या लिंकवर क्लिक करा आणि इयत्ता 10/वर्ग 12 टर्म 2 प्रवेशपत्र निवडा. तुम्हाला एक नवीन वेबपेज दिसेल.

• तुमच्या यूजर आयडी आणि पासवर्डने लॉग इन करा. नंतर स्क्रीनवर अॅडमिट कार्ड दिसेल ते डाऊनलोड करा.