अडसूळ यांच्यावर आरोप असलेला सीटी बँक घोटाळा नेमका आहे तरी काय?

anandrao adsul
anandrao adsule sakal

मुंबई : शिवसेनेचे माजी खासदार आनंदराव अडसूळ (shivsena former mp anandrao adsul) यांना पुन्हा एकदा ईडीने समन्स बजावले असून त्यांना चौकशीसाठी हजर राहण्याचे आदेश दिले आहेत. सीटी बँक घोटाळ्याप्रकरणी (city bank scam) ही चौकशी करण्यात येत आहे. ईडीचे अधिकारी अडसूळ यांच्या घरी असतानाच त्यांची तब्येत बिघडली. त्यानंतर त्यांना तातडीने रुग्णालयात दाखल करण्यात आले. त्यामुळे चौकशीसाठी हजर राहू शकत नसल्याचे त्यांनी सांगितले. पण, हा सीटी बँक घोटाळा नेमका काय आहे? ते पाहुयात.

anandrao adsul
शिवसेनेच्या माजी खासदारांना ED ची नोटीस, हजर राहण्याचे आदेश

आनंदराव अडसूळ हे अमरावती लोकसभा मतदारसंघाचे खासदार होते. त्यानंतर २०१९ च्या लोकसभा निवडणुकीमध्ये खासदार नवनीत राणा यांनी या मतदार संघावर ताबा मिळविला. त्यानंतर अडसूळ खासदार नवनीत राणांविरोधात न्यायालयात गेले होते. उच्च न्यायालयाने अडसूळ यांच्या बाजूने निकाल दिल्यानंतर त्यांच्यामागे ईडीचा ससेमिरा लागल्याचा आरोप अडसूळ पिता-पुत्रांचा आहे.

नेमका काय आहे सीटी बँक घोटाळा?

अडसूळ हे सिटी बँकेचे अध्यक्ष असताना त्यांच्या कार्यकाळात ९०० कोटी रुपयांचा भ्रष्टाचार झाल्याचा आरोप आहे. तसेच या बँकेच्या संचालक मंडळावर अडसूळांचे नातेवाईक होते. या बँकेत पेंशनधारक, तसेच ९९ टक्के मराठी लोकांचे खाते आहेत. या बँकेतून बिल्डरांना अवैधरित्या कर्ज वाटप करण्यात आले. त्यामधून अडसूळ यांनी कमिशन घेतल्याचा आरोप आमदार रवी राणा यांनी केला आहे. कर्ज वाटपात अनियमितता आणि एनपीएमध्ये घसरण झाली होती. त्यामुळे ही बँक गेल्या २ वर्षांपासून बुडीत आहे.

आमदार रवी राणा यांनी स्वतः ईडीकडे याप्रकरणाची चौकशी केली होती. त्यानंतर ईडीने अडसूळ यांना पहिलं समन्स बजाविलं होतं. त्यावेळी आर्थिक व्यवहाराशी संबंधित कागदपत्रे ईडीच्या हाती लागल्याची माहिती सूत्रांनी दिली होती. आज परत एकदा ईडीने आनंदराव अडसूळ यांना समन्स बजाविले आहे. त्यानुसार त्यांना चौकशीसाठी हजर राहण्याचे आदेश देण्यात आले आहेत. मात्र, आपण चौकशीसाठी हजर राहू शकणार नाही, असे अडसूळ यांनी ईडीला सांगितले आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com