मुंबई : मुख्यमंत्री लाडकी बहीण योजनेत आज अखेर ऑनलाईनच्या माध्यमातून जवळपास एक कोटी ४० लाख अर्ज प्राप्त झाले आहेत. यातील सुमारे २५ लाख अर्ज मंजूर करण्यात आले आहेत. लाभार्थींना १५ ऑगस्टपर्यंत लाभ द्यायचा असल्याने शासकीय यंत्रणा रात्रंदिवस कामात गुंतलेली आहे. यामुळे इतर योजना आणि नियमित कामकाजाकडे दुर्लक्ष होत असल्याचेही दिसून येत आहे.
विधानसभा निवडणुकीच्या पार्श्वभूमीवर राज्यातील महायुती सरकारने मुख्यमंत्री लाडकी बहीण योजना जाहीर केली आहे. सुमारे दोन कोटी महिलांना महिना प्रत्येकी १,५०० रुपयांचा लाभ मिळेल. योजनेसाठी नारीशक्ती दूत ॲपबरोबरच १ ऑगस्ट पासून पोर्टलवर अर्ज भरण्याची सुविधा उपलब्ध करून दिली आहे.
योजना महिलांची, अर्ज पुरुषांचे
अनेक अर्जात सध्या त्रुटी आढळून येत आहेत. काही ठिकाणी तर या योजनेसाठी पुरुषांनीच अर्ज भरले आहेत तर काही अर्जदारांनी रेशन कार्ड, चारचाकी वाहन याचा काहीच उल्लेख केलेला नाही. त्यामुळे छाननी करणाऱ्या अधिकारी, कर्मचारी यांची जबाबदारी खूपच वाढली आहे. चुकीच्या, अर्धवट माहिती असणाऱ्या लाभार्थींची निवड झाली तर याची जबाबदारी कर्मचारी, अधिकारी यांच्यावर राहणार आहे. अर्ज छाननीसाठी ग्रामीण भागात तालुका स्तर समिती आणि नागरी भागासाठी वॉर्ड स्तर समिती स्थापन करण्यात आली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.