नाशिकजवळ रेल्वेचे डबे रुळावरुन घसरले; एक ठार, 5 प्रवासी जखमी

नाशिक : नाशिक रोड रेल्वे स्टेशन जवळ असणार्‍या लहवित जवळ रेल्वेचे डबे लाईन तुटून पडली. या अपघातात अनेक लोक जखमी झालेले असून, एका प्रवाशाचा मृत्यू झाल्याची माहिती मिळत आहे. पवन एक्सप्रेस नाशिकच्या 12 किमी आधी रुळावरून खाली उतरल्याने मोठा अपघात झाला. (LTT- Jaynagar Express derails between Lahavit Devlali near Nashik)

अपघात निवारण दलाची धाव

मुंबई मध्य रेल्वेचे मुख्य जनसंपर्क अधिकारी शिवाजी सुतार यांनी दिलेल्या माहितीनुसार, दुपारी सव्वातीनच्या सुमारास एलटीटी-जयनगर (११०६१) एक्स्प्रेसचे अकरा डबे लहवित आणि देवळालीदरम्यान डाउन मार्गावर रुळावरून घसरले. रविवारी दुपारी तीन वाजेच्या सुमारास घडली. या अपघातात काही प्रवासी जखमी झाले असून रेल्वे पोलिस, वैैद्यकीय पथक घटनास्थळाकडे रवाना झाले. रेल्वेचे डबे रुळावरून घसरल्याने त्या मार्गावरील रेल्वे वाहतूक विस्कळित झाली आहे.

रेल्वे रुळाला तडे गेल्याने हा अपघात झाल्याचा प्राथमिक अंंदाज आहे. मात्र, अपघाताचे नेमके कारण काय, याबाबत रेल्वेकडून अद्याप स्पष्टीकरण देण्यात आलेले नाही. मध्य रेल्वेने ट्विटरवर अपघाताची माहिती दिली आहे. यात मदतीसाठी बचाव पथक घटनास्थळी रवाना दाखल झाले असून जखमींना उपचारासांठी रुग्णालयात नेण्यात येत आहे.

नाशिकमध्ये रेल्वे रुळावरुन घसरल्याने ५ प्रवासी जखमी झाले आहेत. रुळांजवळ सापडलेला एक मृतदेह प्रवाशाचा नसून रेल्वे रुळावरून घसरण्याआधीपासून तो तेथे असल्याचे मानले जात आहे अशी माहिती मध्य रेल्वे भुसावळ विभागाचे जनसंपर्क अधिकारी यांनी दिली आहे. दरम्यान घटनास्थळी आढळलेला मृतदेह नाशिक जिल्हा रुग्णालयात उत्तरीय तपासणीसाठी आणण्यात आला आहे.