esakal | Corona Update: राज्यात 69 हजार 710 रुग्ण कोरोनामुक्त; मृत्यूचा आकडा चढाच

बोलून बातमी शोधा

corona

Corona Update: राज्यात 69 हजार 710 रुग्ण कोरोनामुक्त; मृत्यूचा आकडा चढाच

sakal_logo
By
टीम-ई-सकाळ

मुंबई- राज्यात मृत्यूचा आकडा चढाच असून आज 828 रुग्णांचा मृत्यू झाला. यावेळी ही पुणे मनपा येथे सर्वाधिक 122 मृत्यूंची नोंद झाली असून, मुंबई मनपा 89, नागपूर मनपा 35 येथे नोंदवण्यात आले. मृत्यूचा दर 1.5 % इतका आहे. आज दिवसभरात 62,919 नवीन रुग्णांची नोंद झाली. करोना बाधित रुग्णांची एकूण संख्या 46,02,472 झाली आहे. आज नोंद झालेल्या 828 मृत्यूंपैकी 422 मृत्यू हे मागील 48 तासातील तर 167 मृत्यू हे मागील आठवडयातील आहेत.तर 239 मृत्यू हे आठवड्यापेक्षा अधिक कालावधी पूर्वीचे आहेत. राज्यात आज रोजी एकूण 6,62,640 ॲक्टिव्ह रुग्ण आहेत.आजपर्यंत तपासण्यात आलेल्या 2,71,06,282 प्रयोगशाळा नमुन्यांपैकी 46,02,472 (17 टक्के) नमुने पॉझिटिव्ह आले आहेत. सध्या राज्यात 41,93,686 व्यक्ती होमक्वारंटाईनमध्ये आहेत तर 26,462 व्यक्ती संस्थात्मक क्वारंटाईनमध्ये आहेत.

दिवसभरात 69,710  रुग्ण कोरोनामुक्त

आज 69,710 रुग्ण बरे होऊन घरी गेले. राज्यात आजपर्यंत एकूण 38,68,976 कोरोना बाधित रुग्ण बरे होऊन घरी गेल्याचे सांगण्यात आले. यामुळे राज्यातील रुग्ण बरे होण्याचे प्रमाण 84.06 % एवढे झाले आहे.