शिवसेनेच्या दोन्ही गटाचे काल दसरा मेळावे पार पडले. उद्धव ठाकरे यांच्यासोबत बंडखोरी करून बाहेर पडलेल्या शिंदे समर्थकांचा आणि उद्धव ठाकरे यांचा काल दसरा मेळावा पार पडला. यावेळी शिवसेना पक्षप्रमुख उद्धव ठाकरे यांनी मेळाव्याच्या वेळी केलेल्या भाषणात भाजपा आणि शिंदे गटातील बंडखोर आमदार यांच्यावर सडकून टीका केली. हिंदुत्व, आरएसएसचे प्रमुख मोहन भागवत यांची मशिदीला दिलेली भेट या सर्व मुद्यांवरून ठाकरे यांनी टीका केली. उद्धव ठाकरेंच्या या भाषणावरती मनसेकडून पहिली प्रतिक्रिया आली आहे.
उद्धव यांच्या भाषण झाल्यानंतर काही वेळातच संदीप देशपांडे यांनी ट्वीट करत “नुसतीच ‘उणी’ ‘धुणी’ ‘नळ’ आणि ‘भांडण’; विचार ही नाही आणि सोनं ही नाही,” असा टोला लगावला आहे.
कालच्या दसऱ्याच्या सभेनंतर मनसेचे माजी नजरसेवक संदीप देशपांडे यांनी एक ट्वीट केलं आहे. विचार ही नाही आणि सोन ही नाही अशा शब्दात संदीप देशपांडे यांनी टीका केली आहे. अगदी मोजक्या शब्दांत ठाकरेंच्या भाषणावर देशपांडे यांनी भाष्य केलं आहे. ठाकरेंच्या भाषणातीले मुद्दे हे नळावरच्या भांडणाप्रमाणे होते असा टोला संदीप देशपांडे यांनी लगावला आहे. उद्धव ठाकरेंनी आपल्या भाषणामधून उणीधुणी काढल्याचही देशपांडे यांनी म्हंटलं आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.