सबस्क्राईब करा
भाजपने कर्नाटक विधानसभा निवडणुकीसाठी कंबर कसली आहे. या निवडणुकीच्या पार्श्वभूमीवर देशातील ५४ नेत्यांची स्टार प्रचारक म्हणून नियुक्ती केली आहे. या यादीमध्ये महाराष्ट्रातील सहा नेत्यांचा समावेश आहे. कर्नाटकातील अनेकल विधानसभा मतदारसंघ हा काँग्रेसचा बालेकिल्ला मानला जातो. तर या मतदारसंघाचे प्रभारी म्हणून उपमुख्यमंत्री देवेंद्र फडणवीसांचे निकटवर्तीय प्रा. राम शिंदे यांची नियुक्ती करण्यात आली आहे.
तर राम शिंदे हे नुकतेच अयोध्या दौऱ्यावरून परतले त्यानंतर आता ते कर्नाटकातील मोहिमेसाठी रवाना झाले आहेत. विधानसभा निवडणुकीसाठी भाजपने जोर लावायला सुरवात केली आहे. त्यासाठी तेथील अवघड वाटणाऱ्या ५४ मतदारसंघासाठी वेगवेगळ्या नेत्याची नियुक्ती करण्यात आली आहे.
देशभरातील ५४ नेत्यांकडे मोठी जबाबदारी सोपवण्यात आली आहे. महाराष्ट्रातून केंद्रीय मंत्री रावसाहेब दानवे, केंद्रीय मंत्री कपिल पाटील, आमदार राम शिंदे, जयकुमार रावल, योगेश सागर, प्रसाद लाड यांचाही यामध्ये समावेश आहे. या नेत्यांवर वेगवेगळ्या मतदारसंघाची जबाबदारी देण्यात आली आहे.
बंगळुरू येथील १७७ अनेकल विधानसभा मतदारसंघाच्या प्रभारीपदाची जबाबदारी आमदार शिंदे यांच्यावर सोपवली आहे. राम शिंदे ही नुकतेच राज्याचे मुख्यमंत्री एकनाथ शिंदे यांच्यासोबत अयोध्या दौऱ्यावर गेले होते. अयोध्या दौऱ्यावरुन परत आल्यानंतर शिंदे आपल्या सहकाऱ्यांसह कर्नाटक दौऱ्यावर रवाना झाले आहेत. अनेकल विधानसभा मतदारसंघ काँग्रेसचा बालेकिल्ला आहे. तो जिंकण्यासाठी भाजपने कंबर कसली आहे.
तर, कर्नाटक विधानसभा निवडणुकीसाठी १३ एप्रिलपासून उमेदवारी अर्ज भरण्यास प्रारंभ होणार आहे. तर २० एप्रिल रोजी उमेदवारी अर्ज भरण्याचा शेवटचा दिवस आहे. १० मे रोजी मतदान आणि १३ मे रोजी मतमोजणी होणार आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.