गडचिरोली : महाराष्ट्रात अनेक मुख्यमंत्री झाले पण गडचिरोली जिल्ह्यात सर्वाधिक फिरणारा मी एकमेव मुख्यमंत्री आहे, अशी माहिती मुख्यमंत्री देवेंद्र फडणवीस यांनी प्रसार माध्यमांशी बोलताना शुक्रवार (ता. ६) दिली. .भामरागड तालुक्यातील राज्याच्या शेवटच्या टोकाला छत्तीसगड राज्याच्या सीमेवर कवंडे या अतिदुर्गम आणि नक्षलग्रस्त आदिवासी भागात आयोजित लाभार्थी मेळाव्यात मुख्यमंत्री देवेंद्र फडणवीस, सहपालकमंत्री आशीष जयस्वाल, जिल्हाधिकारी अविश्यांत पंडा, जिल्हा पोलिस अधीक्षक नीलोत्पल, सहायक जिल्हाधिकारी नमन गोयल आदी प्रामुख्याने उपस्थित होते. महाराष्ट्रातील नक्षल प्रभावी जिल्हा म्हणून ओळख असलेल्या गडचिरोली जिल्ह्याचे पालकमंत्रीपद मुख्यमंत्री देवेंद्र फडणवीस यांनी स्वीकारले आहे. .गडचिरोलीत माझ्या एवढा फिरलेला मुख्यमंत्री दुसरा कोणीच नाही, असे म्हणत मुख्यमंत्री फडणवीस यांनी गडचिरोली जिल्ह्यातील नक्षलवादी भागात आपण स्वत: शेवटच्या टोकापर्यंत दौरे केल्याचे सांगितले. तसेच, लवकरच गडचिरोलीमधून माओवाद संपुष्टात आणू असा दावाही त्यांनी केला. आपण महाराष्ट्राच्या पहिल्या पॉइंटवर आलो आहोत, अगदी आपल्या नजरेत दिसेल एवढ्याजवळ छत्तीसगड आहे. कवंडेच्या पोलिस आऊटपोस्टमुळे या भागातील सिक्युरिटीचा खूप मोठा बॅकलॉग भरून निघाला आहे. हा भाग आजवर सर्व प्रकाराने संपर्कहीन होता. मात्र, आता पोलिस इथे आल्यानंतर शासनाच्या सर्व योजना, त्यांचे लाभ लोकांना मिळतील..शासनावरील लोकांचा विश्वास वाढेल आणि संपूर्ण भाग पोलिसांच्या आणि शासनाच्या अखत्यारीत आला आहे. आता माओवाद्यांना इथे कुठल्याही हिंसक कारवाया करता येणार नाहीत, असा विश्वास मुख्यमंत्री देवेंद्र फडणवीस यांनी प्रसार माध्यमांशी बोलताना व्यक्त केला. या ठिकाणी विपरीत परिस्थितीत आपले सुरक्षा दल उत्तम काम करत आहे. या सुरक्षा यंत्रणांचे मनोबल वाढवे म्हणून मी अशा अतिदुर्गम भागांतील आऊटपोस्टवर भागात जात असतो, असेही ते म्हणाले..गडचिरोलीचा निसर्ग शाबूत राहिल...आजवर गडचिरोलीचा विकास आणि विकासाची क्षमता नेत्यांच्या भाषणामध्ये असायची. मात्र, २०१४ नंतर आम्ही गडचिरोलीत प्रत्यक्ष बदल घडवून आणले. मात्र, गडचिरोलीत औद्योगिक विकास करत असताना इथले जल, जंगल आणि जमीन वाचवून आपल्याला विकास करायचा आहे. गडचिरोलीचा निसर्ग शाबूत राहिल, असेही मुख्यमंत्री देवेंद्र फडणवीस यावेळी स्पष्ट केले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
