राज ठाकरे सत्यच बोलले, महाविकास आघाडीने... -फडणवीस|Devendra Fadnavis Support Raj Thackeray | Sakal
sakal

बोलून बातमी शोधा

Devendra Fadnavis Support Raj Thackeray

राज ठाकरे सत्यच बोलले, महाविकास आघाडीने... - फडणवीस

नांदेड : गुढीपाडव्याच्या मुहूर्तावर मनसे अध्यक्ष राज ठाकरे (Raj Thackeray) यांनी सभा घेतली. यावेळी राज्यातील महाविकास आघाडी सरकार (Mahavikas Aghadi Government) आणि शरद पवारांवर (Sharad Pawar) जोरदार टीका केली. तसेच राज ठाकरेंनी भाजप आणि उत्तर प्रदेशचे मुख्यमंत्री योगी आदित्यनाथ यांचं कौतुक केलं होतं. त्यावर आज राज्याचे विरोधी पक्षनेते देवेंद्र फडणवीस (Devendra Fadnavis) यांनी प्रितिक्रिया दिली. ते नांदेडमध्ये बोलत होते.

हेही वाचा: अजितदादांची नक्कल करत राज ठाकरे म्हणाले, पळून कुणासोबत गेले? लग्न कुणाबरोबर केलं?

राज ठाकरे भाजपला सर्वात मोठा पक्ष आहे, असं म्हटलं. ते सत्यच आहे. भाजप सर्वात मोठा पक्ष म्हणून निवडून आला. भाजपने शिवसेनेसोबत युती केली. त्यामुळे दोघांना पूर्ण बहुमत मिळालं. पण, त्या बहुमताचा अनादर करून आणि भाजपच्या पाठित खंजीर खूपसून तीन पक्षांची आघाडी झाली. त्यांनी ही सत्ता कपटानं मिळविली, असं देवेंद्र फडणवीस म्हणाले.

राज ठाकरे नेमकं काय म्हणाले? -

उत्तर प्रदेशात भाजपचं सरकार आहे. तिथे विकास होतोय. मोदी सत्तेत आल्यानंतर त्यांनी उत्तर प्रदेश, बिहार आणि झारखंडकडे पाहावं. या तीन राज्यातून सर्वाधिक लोक बाहेर पडतात, असं मी २०१४ मध्ये बोललो होतो. त्यानंतर आता तिथे विकास होताना दिसतोय, असं म्हणत राज ठाकरेंनी योगी आदित्यनाथ यांचं कौतुक केलं.

राज्यातील महाविकास आघाडी सरकारवर जोरदार टीका -

भाजप हा एक नंबरचा पक्ष, शिवसेना दोन नंबरचा पक्ष, राष्ट्रवादी तीन नंबरचा पक्ष होता. पण, तीन नंबरचा पक्ष एक आणि दोन नंबरच्या पक्षाला फिरवत होता. जनतेनं भाजप आणि शिवसेनेच्या युतीला मतदान केलं होतं. तुम्हाला शरद पवारांसोबत जाण्यासाठी जनतेनं निवडून दिलं नव्हतं, अशा शब्दात राज ठाकरेंनी भाजपचं कौतुक केलं.

Web Title: Devendra Fadnavis Support Raj Thackeray And Criticized Shivsena

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..