Sambhajiraje: 'टीव्ही'वर चित्रपट प्रदर्शित होऊ देणार नाही; संभाजीराजेंचा आक्रमक पवित्रा

मुंबईः हर हर महादेव या चित्रपटामध्ये इतिहासाचा विपर्यास केल्याचा ठपका ठेवण्यात आलेला आहे. त्यामुळे चित्रपटगृहामध्ये प्रदर्शित झाल्यापासून रणकंदन सुरुय. आता संभाजीराजे छत्रपती यांनी झी स्टुडिओला इशाराच दिलाय.

येत्या १८ तारखेला हर हर महादेव हा चित्रपट टीव्हीवर प्रदर्शित होणार आहे. त्यावरुनच आता संभाजीराजे यांनी झी स्टुडिओला पत्र पाठवून चित्रपट प्रदर्शित करु नये, असा इशारा दिला आहे.

हेही वाचाः दिव्यांग खेळाडूंची खडतर 'पाठशाळा'

झी स्टूडिओने हर हर महादेव चित्रपट प्रदर्शित केला तर त्याचे गंभीर परिणाम भोगावे लागतील. यामध्ये इतिहासाचं चुकचं सादरीकरण केल्याचं संभाजीराजे यांनी म्हटलं आहे. त्यामुळे या चित्रपटावरुन पुन्हा एकदा वाद चिघळण्याची शक्यता आहे.

हेही वाचा: Swasthyam 2022: तुम्ही का अस्वस्थ होता, हे समजण्याचा सोपा मार्ग

दरम्यान, ‘हर हर महादेव’ या चित्रपटात दाखवलेल्या अनेक घटनांना ऐतिहासिक संदर्भ नाहीत. त्यामुळे यात त्रुटी आहेत, असे सांगत चित्रपटावर बाजीप्रभू देशपांडे यांच्या वंशजांनी आक्षेप घेतला आहे. बाजीप्रभू देशपांडे यांचे वंशज प्राध्यापक रुपाली देशपांडे, अमर देशपांडे, किरण देशपांडे आदींनी पत्रकार परिषदेत हे आक्षेप नोंदवले होते.