नवी मुंबई - ‘अमेरिकेने काही उद्योगांवर निर्बंध आणि आयातशुल्क वाढविल्यामुळे राज्यातील अनेक उद्योगांना मोठा फटका बसण्याची शक्यता आहे. यावर योग्य तोडगा काढण्यासाठी राज्य सरकारने उच्चस्तरीय समिती स्थापन केली आहे..ही समिती कोणकोणत्या क्षेत्रांना परिणाम होणार आहे, त्यांना कोणत्या प्रकारची मदत आवश्यक आहे आणि त्यांना पर्यायी बाजारपेठ कशी उपलब्ध करून देता येईल, याचा आढावा घेऊन उपाययोजना सुचवणार आहे,’ अशी माहिती मुख्यमंत्री देवेंद्र फडणवीस यांनी मंगळवारी नवी मुंबईतील ऐरोली येथे कॅपिटालँड डेटा सेंटरच्या उद्घाटनावेळी पत्रकारांशी संवाद साधताना दिली..फडणवीस म्हणाले, की अमेरिकेने लागू केलेल्या आयातशुल्क वाढीमुळे काही उद्योगांच्या निर्यातीवर मर्यादा येऊ शकतात. यासाठी आम्ही बैठका घेतल्या असून, उद्योगांना आर्थिक मदत, निर्यात धोरणात बदल किंवा नवीन बाजारपेठेचा शोध यासारखे पर्याय विचारात घेतले जात आहेत. उच्चस्तरीय समिती लवकरच अहवाल सादर करेल आणि त्यानुसार उपाययोजना राबवल्या जातील..या वेळी डेटा सेंटर क्षेत्राबाबत बोलताना फडणवीस म्हणाले, की आपण डिजिटल अर्थव्यवस्थेकडे वेगाने वाटचाल करीत आहोत. ऑनलाइन सेवा, ई-कॉमर्स, क्लाऊड कॉम्प्युटिंग आणि कृत्रिम बुद्धिमत्ता यासाठी डेटा सेंटरची गरज प्रचंड वाढली आहे. देशातील एकूण डेटा सेंटर क्षमतेपैकी तब्बल ६० टक्के क्षमता महाराष्ट्रात उभी राहिली आहे..यामुळे राज्य डिजिटल पायाभूत सुविधांमध्ये देशात आघाडीवर आहे. राज्य सरकारने डेटा सेंटर ऑपरेटरसोबत २० हजार कोटी रुपयांच्या पुढील गुंतवणुकीसाठी सामंजस्य करार केला आहे. या गुंतवणुकीत केवळ नवीन डेटा सेंटरच नाही, तर दळणवळण सुविधा आणि संबंधित उद्योगांचाही समावेश असेल. यामुळे राज्यात रोजगार निर्मितीबरोबरच तंत्रज्ञान क्षेत्रात मोठी झेप घेता येणार आहे..फडणवीस म्हणाले...सिंगापूरमधील जागतिक गुंतवणूक कंपनी ‘टेमासेक’ने राज्यातील महत्त्वाच्या प्रकल्पांना पाठिंबा देण्याचे आश्वासन दिले आहे. नागपूरमध्ये रुग्णालय उभारण्यासाठी ७०० कोटी रुपयांचा करार करण्यात आला आहे..‘मॅपलट्री’ या जागतिक गुंतवणूक कंपनीने महाराष्ट्रात लॉजिस्टिक पार्क उभारण्यासाठी तीन हजार कोटी रुपयांचा करार केला आहे.या गुंतवणुकीमुळे राज्याची अर्थव्यवस्था बळकट होईल, तरुणांना रोजगाराच्या संधी वाढतील.आयातशुल्क वाढीमुळे अडचणीत आलेल्या उद्योगांसाठी पर्यायी बाजारपेठ उपलब्ध करून देण्याच्या प्रयत्नांसह तंत्रज्ञान, आरोग्य आणि लॉजिस्टिक क्षेत्रातील गुंतवणुकीमुळे राज्याचा सर्वांगीण विकास होईल..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
