Mumbai News : मराठी जगभरात पोहोचविण्यासाठी अनुवाद अकादमीची स्थापना करा; माजी अध्यक्षांची मुख्यमंत्र्यांकडे मागणी

मुंबई - मराठी भाषेत प्राचीन, अर्वाचीन, आधुनिक व समकालीन वाङ्मयीन आणि वाङ्मयेतर, विविध ज्ञान आणि विचार परंपरा आणि त्यांच्या साहित्य आणि ज्ञानाचा प्रचंड मोठा वारसा आज उपलब्ध आहे. .तो जगभरातील भाषांमध्ये पोहोचल्यास मराठीचा हा वारसा जगभरात पोहोचेल यासाठी सरकारने अनुवाद अकादमी स्थापन करावी अशी मागणी अखिल भारतीय मराठी साहित्य महामंडळाचे माजी अध्यक्ष डॉ. श्रीपाद भालचंद्र जोशी यांनी मुख्यमंत्री देवेंद्र फडणवीस व मराठी भाषा विकास मंत्री उदय सामंत यांच्याकडे पत्राद्वारे केली आहे..आज भारतातील सर्वच विद्यापीठे आणि शैक्षणिक संस्थांमध्ये राष्ट्रीय शैक्षणिक धेारणाची अंमलबजावणी सुरू असून त्यात भारतीय ज्ञान परंपरेला खूप मोठे स्थान देण्यात आले आहे. त्याच परंपरेत महाराष्ट्रातील महानुभाव, भागवत, शैव, वीरशैव, लिंगायत आदी पंथांनी प्रचंड मोठ्या प्रमाणात साहित्याची निर्मिती करून दिला आहे.तर दुसरीकडे ललित वाङ्मयासोबतच लोकसाहित्य, संगीत, ज्ञान, तंत्रज्ञान, तत्त्वज्ञान इ. बाबतीतही प्रचंड मोठे साहित्य व लेखन मराठी भाषेत उपलब्ध असून ते अन्य भारतीय आणि जगातल्या प्रमुख भाषांमधून पोहोचविल्यास मराठी भाषेतील या साहित्याचा जागतिक पातळीवर मोठा सन्मान वाढणार आहे..तसेच इतर भाषांमधील साहित्य मराठी भाषेत आल्यास समृद्ध अशा साहित्य व ज्ञानपरंपरेची ओळखही मराठी भाषिकांना होण्यासाठी मदत होईल, यामुळे सरकारने या कामासाठी स्वायत्त अनुवाद अकादमी स्थापन करावी अशी मागणी डॉ. जोशी यांनी केली आहे.यासाठी हवी अकादमीमहाराष्ट्र राज्याने ती स्थापल्यास ती या देशातीलच नव्हे तर जगातील, राज्याने स्थापलेली पहिलीच स्वतंत्र स्वायत्त अनुवाद अकादमी ठरेल. इतर राज्य, राष्ट्रांसाठीही ही अकादमी पथदर्शक संस्था ठरू शकेल..मराठी ही अभिजात दर्जा मागत असलेली २५०० वर्ष जुनी, महत्त्वाचे प्राचीन, अर्वाचीन, आधुनिक व समकालीन वाङ्मयीन आणि वाङ्मयेतर ज्ञानाचे संचित असलेली जगातली दहावी आणि भारतातील तिसऱ्या क्रमांकाची समृद्ध भाषा आहे. हे संचित अधिक समृद्ध होण्यासाठी अकादमीची आवश्यकता असल्याचे डॉ. जोशी यांनी सांगितले..अशी असावी अकादमीही अनुवाद अकादमी ही मूलतः शैक्षणिक, सैद्धांतिक, वैचारिक, संबंधित शास्त्रीय ज्ञान व कौशल्ये, उपलब्ध करून देणारी, त्यासाठीचे अध्ययन, अध्यापन,शिक्षण, प्रशिक्षण देणारी, कार्यशाळा, सेमिनार, चर्चासत्रे, इ. द्वारा कार्य करणारी, त्यासाठी विविध स्तरांवरील संबंधित अभ्यासक्रम, पाठ्यपुस्तके, शैक्षणिक साहित्य, संदर्भ ग्रंथ इ.ची निर्मिती,पुरवठा,वितरण करणारी अकादमी असावी. ती उपयोजित पातळीवर प्रत्यक्ष व्यावसायिक अनुवाद कार्य करणारीही संस्था असेल. ती महाराष्ट्र राज्याने कायद्याने स्थापलेली एक स्वायत्त संस्था असेल..अनुवादविषयक गरजा होतील पूर्णअनुवाद अकादमी या क्षेत्रातील देश- विदेशातील विशेष ज्ञान,विशेषज्ञ, अनुवाद विद्येचे प्राध्यापक, अभ्यासक ,प्रशिक्षक, आदी तज्ज्ञ निर्माण करेल,उपयोजित पातळीवर ही अकादमी वाङ्मय आणि वाङ्मयेतर ग्रंथ, पुस्तके, लोकसाहित्य, सामाजिक, शैक्षणिक, सांस्कृतिक आदी स्तरावरील प्रत्यक्ष अनुवाद कार्यासोबतच असंख्य प्रकारच्या, विविध क्षेत्रातील अनुवाद विषयक गरजा भागवण्याची सोय करेल अशीही सूचना डॉ. जोशी यांनी केली आहे..आमची ही मागणी ३५ वर्ष जुनी असून बडोदा येथे २०१८ साली झालेल्या अखिल भारतीय मराठी साहित्य संमेलनाच्या उद्घाटनप्रसंगी महाराष्ट्राच्या मुख्यमंत्र्यांनी अशी अनुवाद अकादमी स्थापण्याचे जाहीर अभिवचन देत,तसा प्रस्ताव मागितला होता,तो प्रस्ताव आणि प्रस्तावित अनुवाद अकादमीचे प्रारूप तेव्हाच म्हणजे सात वर्षांपूर्वी सरकारला सादर करून झाले आहे याचे स्मरण ही डॉ जोशी यांनी पत्रात करून दिले आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Mumbai News : मराठी जगभरात पोहोचविण्यासाठी अनुवाद अकादमीची स्थापना करा; माजी अध्यक्षांची मुख्यमंत्र्यांकडे मागणी

Related Stories