मुंबई - राज्यातील सरकारी आणि स्थानिक स्वराज्य संस्थांच्या शाळांमधील पहिली ते आठवीपर्यंतच्या तब्बल ४२ लाख ९७ हजार ७९० विद्यार्थ्यांना यंदा दोन मोफत गणवेशासह एक जोडी बूट आणि पायमोजे शाळेच्या पहिल्याच दिवशी मिळणार आहे. .गणवेश, बूट, पायमोज्यांची एकूण संख्या समग्र शिक्षण मोहिमेने निश्चित केली आहे. त्यासाठी केंद्र आणि राज्य सरकारकडून २५७ कोटी ८६ लाख ७४ हजार रुपयांची तरतूद करण्यात आली आहे. आतापर्यंत राज्यातील सरकारी, स्थानिक स्वराज्य संस्थांच्या शाळेतील विविध राखीव घटकातील विद्यार्थ्यांना दोन गणवेश पुरविले जात होते; मात्र गेल्या वर्षीपासून सरसकट सर्वच विद्यार्थ्यांना एकच गणवेश दिला जात आहे..यंदा गणवेशाची संख्या ४२ लाख ९७ हजार ७९० पर्यंत पोहोचली आहे. आता त्याबरोबर एक जोडी बूट आणि दोन पायमोजेही दिले जाणार असून त्यासाठी ७३ कोटींची तरतूद करण्यात आली आहे. गणवेश, बूट आणि पायमोजे खरेदी करून ते विद्यार्थ्यांना उपलब्ध करून देण्याची जबाबदारी शाळा व्यवस्थापन समितीकडे सोपविली आहे..वेळेवर मिळणार गणवेशगेल्या वर्षी महिला आर्थिक विकास महामंडळामार्फत महिला बचत गटांना गणवेश तयार करून देण्याचे कंत्राट दिले होते; मात्र त्यात दिरंगाई झाल्याने यंदा पूर्वीप्रमाणेच गणवेश पुरवठ्याची जबाबदारी शाळा व्यवस्थापन समित्यांना सोपविण्यात आली आहे.शाळा सुरू होण्यापूर्वी या गणेवशांच्या तयारीसाठी महाराष्ट्र राज्य प्राथमिक शिक्षण परिषदेकडून आढावा घेतला जाणार आहे. वेळीच आर्थिक तरतूद केल्याने शाळेच्या पहिल्या दिवशी विद्यार्थ्यांना गणवेश मिळणार असल्याचे परिषदेकडून सांगण्यात आले..नाशिक जिल्ह्यात सर्वाधिक विद्यार्थीमुंबई शहर आणि उपनगरांचा अपवाद वगळता राज्यातील ३४ जिल्ह्यांतील सरकारी शाळांमध्ये गणवेश पुरविले जातील.सर्वाधिक दोन लाख ४४ हजार विद्यार्थी नाशिक जिल्ह्यातील शाळांमधील आहेत. त्याखालोखाल पुणे जिल्ह्यात एक लाख ५१ हजार ५२६ विद्यार्थ्यांना गणवेश मिळतील.बूट आणि पायमोजे४२,९७,७९० - विद्यार्थी संख्या७३,०६,२३,३०० - एकूण तरतूद.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
