Gram Panchayat Election Result 2022 : निकाल लागताच पराभूत पॅनलकडून दगडफेक; भाजप कार्यकर्त्याचा मृत्यू

Gram Panchayat Election Result 2022 : ग्रामपंचायत निवडणुकीच्या निकालानंतर विजय व पराभवाचे चित्र पहावयास मिळत आहे. परंतु, जळगाव जिल्ह्यातील जामनेर तालुक्यातील टाकळी येथे ग्रामपंचायत निवडणुकीच्या निकालानंतर दोन गट आपसात भिडले. दरम्‍यान दगडफेक देखील झाली असून यात भाजप कार्यकर्त्याचा मृत्‍यू झाल्‍याची घटना घडली आहे.

तालुक्यातील टाकळी खुर्द येथील ग्रामपंचायत निवडणुक निकाला नंतर विजयी झालेल्या उमेदवारांनी गावात प्रवेश केल्या-केल्याच त्यांचेवर पराभुत झालेल्या विरोधकांकडून तुफान दगडफेक करण्यात आली. यात धनराज श्रीराम माळी (वय ३२) यांचा मृत्यू झाला. पोलीसांनी संशयीतांची धरपकड करून सुमारे २०-२५ जणांना ताब्यात घेतले आहे. सुरक्षेच्या पार्श्वभूमीवर गावामधे पोलीस बंदोबस्त वाढविण्यात आला आहे.